அமெரிக்காவில் அவ்வை தமிழ் மையம் நடத்தும் தமிழ் இசை விழா

டெக்சாஸ்: அமெரிக்காவில் செயல்பட்டு வரும் அவ்வை தமிழ் மையம் நடத்தும் தமிழ் இசை விழா வரும் பிப்ரவரி 27ம் தேதி நடைபெறுகிறது.

அமெரிக்காவின் டெக்சாஸ் மாநிலத்தில் உள்ள ப்ரிஸ்கோ நகரில் செயல்பட்டு வருகிறது அவ்வை தமிழ் மையம். அந்த தமிழ் மையம் தமிழ் இசை விழாவை வரும் பிப்ரவரி மாதம் 27ம் தேதி ப்ரிஸ்கோ நகரில் உள்ள சென்டென்னியல் உயர் நிலைப் பள்ளி அரங்கில் நடத்துகிறது.

போட்டிகள் ஏதும் இல்லாமல், குழந்தைகளின் திறமைகளுக்கு வாய்ப்பளிக்கும் ஒரு மேடையாக இவ்விழா நடத்தப்படுகிறது. 5 வயது முதல் 17 வயது வரை உள்ள குழந்தைகள், இளையோர்கள் பங்கேற்கிறார்கள்.

பல்வேறு இசைப்பள்ளிகளில் இருந்தும், குழுக்களில் இருந்தும் குழந்தைகள் கலந்து கொள்கிறார்கள். செவ்விசை (classical) அல்லது ஓரளவு செவ்விசை சார்ந்த பாரம்பரிய தமிழ்ப் பாடல்கள், பக்தி இலக்கியப் பாடல்கள், அல்லது ராகம் சார்ந்த நல்ல திரையிசைப் பாடல்களைப் பாட இருக்கிறார்கள். அனைவரும் வந்து கலந்து கொண்டு குழந்தைகளை உற்சாகப்படுத்தவும், தமிழ் இசைப் பாடல்களைக் கேட்டு மகிழவும் அன்போடு கேட்டுக் கொள்ளப்படுகிறது. பதிவுக் கட்டணம் கிடையாது. நிகழ்ச்சிக்கான நுழைவுக் கட்டணமும் இல்லை.

நிகழ்ச்சியில் கலந்து கொள்ள விரும்புவோர் தங்களின் பெயர்களை பதிவு செய்வதற்கான விதிமுறைகள்:-

தனிநபர் பதிவு:

3 முதல் 4 மணித்துளிகள் வரை ஒரு நபர்க்கு வழங்கப்படும்.

குழுவிற்கான பதிவு:

அனைவருக்கும் சேர்த்து 9 முதல் 12 நிமிடங்கள் வரை. இந்த நிமிடங்கள் மொத்தமாக ஒரு இசைப்பள்ளிக்கோ, குழுவிற்கோ வழங்கப்படும்.
மேடையில் ஒரே நேரத்தில் ஒரு பாடலுக்கு 4 அல்லது 6 நபர்கள் இருக்க வேண்டும்.
ஒவ்வொரு பாடலையும் அதைப் பாட இருக்கும் குழந்தைகளின் பெயர்களையும் பதிவு செய்ய வேண்டும்..

பொதுவான விதிமுறைகள்:

போட்டிகள் இல்லை. பதிவுக் கட்டணம் கிடையாது.
வயது: பள்ளி செல்லும் குழந்தைகள், இளையோர் - 5 முதல் 17 வயது வரை
பாடல்கள் தமிழில் இருக்க வேண்டும்.
பாரம்பரிய இசைப் பாடல்கள் அல்லது நாட்டுப்புறப் பாடல்கள் ( பாரதியார், பாரதிதாசன் போன்ற தமிழ்க் கவிஞர்களின் பாடல்கள், பக்திப்பாடல்கள், தமிழ் இலக்கியத்தில் உள்ள பாடல்கள், கருத்துள்ள நாட்டுப்புறப் பாடல்கள்)
செவ்விசை (Classical)அல்லது ஒரளவு செவ்விசை (Semi-classical) சார்ந்த திரை இசைப்பாடலாகவும் இருக்கலாம். உதாரணம்: காற்றினிலே வரும் கீதம்.., அலை பாயுதே கண்ணா....
பாடலின் பெயரும் இயற்றியவரின் பெயரும் பதிவு செய்யும் போது தெரிவிக்க வேண்டும்.
பங்கேற்பவர்கள் விருப்பப்பட்டால் பிண்ணனி இசைக் கருவிகளைக் கொண்டு வரலாம்.
நீங்கள் தேர்வு செய்யும் பாடல் முன்பே மற்றொரு பங்கேற்பாளரால் தேர்வு செய்யப்பட்டிருந்தால் உங்களுக்கு தெரிவிக்கப்படும். நீங்கள் வேறொரு பாடலை தேர்வு செய்ய வேண்டும்.
பங்குபெறுவோர், குழுப் பொறுப்பாளர்/ஆசிரியர் உட்பட அனைவரும் விழா இறுதி (பரிசு/சான்றிதழ் வழங்கும்) வரை இருந்து சிறப்பிற்குமாறு கேட்டுக் கொள்ளப்படுகிறார்கள்.
பதிவு செய்ய கடைசி நாள்: பிப்ரவரி 12, 2016

தொடர்புக்கு:

தொலைபேசி: 214-901-7735
மின்னஞ்சல்: [email protected]
இணையம்: www.avvaitamil.org

English summary

Avvai tamil center in Texas, USA is conducting Tamil Isai Vizha there on february 27th.