சுட்டிப் பையனுடன் கண்ணாமூச்சி ஆடிய குட்டி கொரில்லா: வீடியோவை பார்த்தீங்களா?

ஒஹாயோ: அமெரிக்காவில் உள்ள உயிரியல் பூங்கா ஒன்றில் இருக்கும் குட்டி கொரிலா குரங்கு சிறுவனுடன் கண்ணாமூச்சி ஆடியபோது எடுக்கப்பட்ட வீடியோ இணையதளத்தில் வெளியாகியுள்ளது.

அமெரிக்காவின் ஒஹாயோ மாநிலத்தில் உள்ள கொலம்பஸ் உயிரியல் பூங்காவில் வசித்து வரும் 2 வயது கொரிலா குரங்கு கமோலி. இந்நிலையில் ஷெர்ரி என்ற பெண் தனது செல்ல மகன் ஐசய்யாவை அந்த உயிரியல் பூங்காவிற்கு அழைத்துச் சென்றார்.

சிறுவன் பூங்காவில் இருந்த விலங்குகளை எல்லாம் பார்த்தான். ஆனால் கமோலி சிறுவனை பார்த்ததும் குஷியாகிவிட்டது. சிறுவனிடம் கண்ணாமூச்சி ஆடியது. மரத்திற்கு பின்னால் மறைந்து மறைந்தும் அங்கும் இங்கும் ஓடியும் அது சிறுவனுடன் கண்ணாமூச்சி ஆடியது.

சிறுவனும் கொரிலா விளையாடுவதை பார்த்து அங்கும் இங்குமாக ஓடி சிரித்து மகிழ்ந்தான். இதை ஷெர்ரி வீடியோ எடுத்து அதை வெளியிட்டுள்ளார். இணையதளத்தில் வெளியாகியுள்ள இந்த வீடியோ பலரையும் கவர்ந்துள்ளது.

குரங்கு எத்தனை அழகாக விளையாடுகிறது பாரேன் என்று பலரும் வியக்கிறார்கள்.

English summary

An adorable video of a baby gorilla playing peek-a-boo with a kid at a zoo in Ohio has gone viral.