ரொம்ப செக்ஸியா இருக்கு யூனிபார்ம்... கத்தே பசிபிக் விமான பணிப்பெண்கள் அதிருப்தி!
ஹாங்காங்: கத்தே பசிபிக் விமான நிறுவனம் தனது ஏர் ஹோஸ்டஸ்களுக்கு கொடுத்துள்ள சீருடைக்கு எதிர்ப்பு வலுக்கிறது. இது மிகவும் செக்ஸியாக இருப்பதாகவும், உடல் அங்கங்களை வெளிக்காட்டும் வகையில் இருப்பதாகவும், இப்படிப்பட்ட உடையில் போனால், பாலியல் சீண்டல்களை அதிக அளவில் எதிர்கொள்ள நேரிடும் என்றும் அவர்கள் போர்க்கொடி உயர்த்தியுள்ளனர்.
இந்த சீருடையை தாங்கள் விரும்பவில்லை என்றும் கத்தே பசிபிக் ஏர் ஹோஸ்டஸ்கள் சங்கம் தெரிவித்துள்ளது.
உடனடியாக இதை மாற்றியமைக்குமாறும் அது விமான நிறுவனத்தைக் கேட்டுக் கொண்டுள்ளதாம்.
அது டைட்.. இது ஷார்ட்
இதுகுறித்து ஏர் ஹோஸ்டஸ்கள் சிலர் கூறுகையில் தற்போது கொடுக்கப்பட்டுள்ள வெள்ளை நிற மேல்சட்டை மிகவும் சிறியதாக இருக்கிறது. அதேபோல சிவப்பு நிற ஸ்கர்ட்கள் உடம்பை இறுக்கிப் பிடித்தபடி உள்ளன. இதனால் சவுகரியமாக எங்களால் இருக்க முடியவில்லை.
பாலியல் சீண்டல்களைத் தாங்க முடியாது
இப்படிப்பட்ட டிரஸ்ஸில் எங்களால் வேகமாக திரும்பவோ, குனியவோ முடியாது. டிரஸ் கிழிந்து விடும் என்ற பயம உள்ளது. மேலும் உடம்பைப் பிடித்தபடி இருப்பதால் வக்கிரப் புத்தி படைத்த ஆண்களின் பாலியல் சீண்டல்களிலிருந்தும், பார்வையிலிருந்தும் தப்ப முடியாது என்று அவர்கள் கூறுகின்றனர்.
2011 முதல்
ஆனால் இந்த புதிய சீருடை 2011 முதலே இருந்து வருகிறது. அன்று முதலே புகார்களும் இருந்தபடிதான் உள்ளன. தற்போது அவை அதிகரித்துள்ளன.
இத மட்டும் செஞ்சுருங்க டெய்லர் சார்...
ஏர் ஹோஸ்டஸ்கள் மேலும் கூறுகையில் முழுமையாக டிரஸ்ஸை நாங்கள் மாற்ற் சொல்லவில்லை. மேல் சட்டையை நீளமாக்கி, ஸ்கர்ட்டுகளை லூசாக்கினால் போதும். இதைத்தான் கேட்கிறோம் என்றனர்.
12 மாதத்தில் 27 சதவீத பாலியல் சீண்டல்கள்
கடந்த 12 மாதத்தில் மட்டும் கத்தே பசிபிக் விமானப் பணிப் பெண்களிடம் 26 சவீத அளவுக்கு பாலியல் சீண்டல்கள் நடந்துள்ளதாக ஒரு புள்ளி விவரம் தெரிவிக்கிறது.
தட்டிக் கொடுப்பது.. கிள்ளுவது
பின்பக்கம் தட்டிக் கொடுப்பது, கிள்ளுவது, முத்தமிடுவது, தொடுவது உள்ளிட்ட பாலியல் சீண்டல்களை இந்தப் பெண்கள் சந்திக்கிறார்களாம். சில பயணிகள் ஏ ஜோக் சொல்வார்களாம்.
Click it and Unblock the Notifications
Sign in with Google