அமெரிக்காவுடன் சேர்ந்து ஆட்டம் போட்ட கனடா.. சீனா வைத்த செக்! இப்போ இப்படி ஆயிடுச்சே!

பெய்ஜிங்: அமெரிக்கா மாதிரியே, சீனா மீது கனடா வரியை விதிப்பதாக அறிவித்திருந்தது. இந்த அறிவிப்புக்கு பதிலடி கொடுக்கும் விதமாக சீனா பதில் வரியை போட்டிருக்கிறது. இது வரி யுத்தத்தை தொடங்கி வைத்திருக்கிறது. சீனாவின் செக் காரணமாக அடுத்து என்ன செய்வது என்று தெரியாமல் கனடா விழிபிதுங்கியுள்ளது.

அமெரிக்க நாடுகளுக்கு வரியை விதிக்கும் முதல் ஆசிய நாடு சீனாதான். இதன் மூலம் ஆசிய நாடுகள் என்றால் என்ன சும்மாவா? என்கிற கேள்வி எழுந்திருக்கிறது.

சீனா தரப்பில் நேற்று ஒரு அறிவிப்பு வெளியாகியுள்ளது. அதன்படி கனடாவிலிருந்து சீனாவுக்குள் இறக்குமதி செய்யப்படும் Canola சமையல் எண்ணெய், Canola உணவு பொருட்கள், பச்சை பட்டாணி ஆகியவற்றிற்கு 100% கூடுதல் வரியும், பன்றி இறைச்சி, கடல் உணவு பொருட்களுக்கு 25% கூடுதல் வரியும் விதிக்கப்படுகிறது என தெரிவிக்கப்பட்டிருக்கிறது. மார்ச் 20ம் தேதி முதல் இந்த வரி நடைமுறைக்கு வரும் என்றும் குறிப்பிடப்பட்டிருக்கிறது.

என்னப்பா இது? அமெரிக்காதான் சீனா மேல வரியை போட்டது. பதிலுக்கு அமெரிக்கா மேலதானே வரி போட்டிருக்கனும்! ஆனால் கனடா கூட எதுக்கு சண்டை? என்று கேள்வி எழுந்திருக்கிறது. இதற்கு சீன அதிகாரிகள் பதிலளித்திருக்கிறார்கள். அதாவது, அமெரிக்கா வரியை அறிவிப்பதற்கு முன்னரே கனடா முந்திக்கொண்டது. கடந்த ஆண்டு ஆகஸ்ட் மாதம் சீனாவிலிருந்து கனடாவில் இறக்குமதி செய்யப்படும் எஃகு மற்றும் அலுமினிய பொருட்களுக்கும், எலக்ட்ரானிக் பொருட்களுக்கும் கனடா 100% வரியை அறிவித்தது.

இதற்கு காரணம் அமெரிக்காதான். பைடன் அதிபராக இருக்கும்போதும் சரி, டிரம்ப் அதிபராக வந்தபோதும் சரி.. சீனாவின் பொருட்கள் கனடா மற்றும் மெக்சிகோ வழியாக அமெரிக்காவுக்குள் நுழைகிறது. இந்த இரண்டு நாடுகளும் என்ன அமெரிக்காவின் கொல்லைபுற வாசலா? என்று கேள்வி எழுப்பியிருந்தனர்.

எனவே எப்படியாவது அமெரிக்காவை சாந்தப்படுத்த வேண்டும் என்று கனடா, சீனாவுக்கு எதிராக வரியை போட்டது. ஆனால் இன்னைக்கு கனடாவுக்கே அமெரிக்கா ஸ்டகெட்ச் போட்டுவிட்டது என்பது தனிக்கதை. ஆக கடனாவுக்கு பதிலடி கொடுக்க சீனா இப்போது களமிறங்கியுள்ளது. சீனாவின் இந்த பதிலடி சற்று காட்டமாகவே இருப்பதாக நிபுணர்கள் கூறுகிறார்கள். காரணம், கடனா-சீனா வர்த்தக உறவு மிகவும் பலம் வாய்ந்தது.

கடந்த ஆண்டு மட்டும் Canola சமையல் எண்ணெய், Canola உணவு பொருட்கள் சுமார் 1 பில்லியன் அமெரிக்க டாலர் அளவுக்கு சீனாவுக்கு ஏற்றுமதியாகியுள்ளது. இவ்வளவு பெரிய வியாபாரத்தில் சீனா தற்போது கை வைத்துவிட்டது. இதனால் கனடாவுக்கு சிக்கல்தான். கனடாவின் சீண்டல் காரணமாக சீனா கொடுத்துள்ள பதிலடி காரணமாக இரு நாடுகளுக்கு இடையே வர்த்தக போர் தொடங்கியுள்ளது.

English summary

Just like the United States, Canada had announced tariffs on China. In response, China has imposed counter-tariffs as a retaliatory measure, effectively sparking a trade war. Due to China's strategic move, Canada is now bewildered, uncertain about its next course of action.