மன்மோகனுக்கு சீன அதிபர் அளித்த விருந்து: பரதம் ஆடிய சீன கலைஞர்கள்

பெய்ஜிங்: பிரதமர் மன்மோகன் சிங் மற்றும் அவரது மனைவிக்கு சீன அதிபர் ஜி ஜிங்பிங் அளித்த விருந்தின்போது அந்நாட்டு கலைஞர்கள் பரதநாட்டியம் ஆடியுள்ளனர்.

பிரதமர் மன்மோகன் சிங் தனது ரஷ்ய சுற்றுப்பயணத்தை முடித்துக் கொண்டு அங்கிருந்து கிளம்பி சீனா சென்றார். அவர் சீன அதிகாரிகளை சந்தித்து எல்லை பிரச்சனை உள்பட பல்வேறு விஷயங்கள் குறித்து நேற்று பேச்சுவார்த்தை நடத்தினார். எல்லை விவகாரம் தொடர்பாக இருநாடுகளுக்கு இடையே நேற்று முக்கிய ஒப்பந்தம் கையெழுத்தானது.

இந்நிலையில் நேற்று இரவு மன்மோகன் சிங் மற்றும் அவரது மனைவி குர்ஷரன் கவுர் ஆகியோருக்கு சீன அதிபர் ஜி ஜிங்பிங் மற்றும் அவரது மனைவி பெங் லியுஆன் ஆகியோர் விருந்து கொடுத்தனர். விருந்தில் சீன உணவுகள் பரிமாறப்பட்டன.

விருந்து நிகழ்ச்சியின்போது சீன கலைஞர்கள் பரதநாட்டியம் ஆடினார்கள்.

English summary

A Bharatanatyam recital by Chinese dancers, Indian and Chinese music and dishes comprising golden fungus soup, crisp duck rolls and dessert of cream of wolfberries and honeylocust fruit was on the menu during a banquet hosted by Chinese President Xi Jinping for visiting Indian Prime Minister Manmohan Singh in Beijing on wednesday.