ஏகப்பட்ட பச்சை மீனைச் சாப்பிட்ட சீனாக்காரர்.. வயிறு முழுக்க நாடாப் புழுக்கள் குவியல்!

பீஜிங்: அளவுக்கதிகமாக பச்சையாக மீனை சாப்பிட்ட சீன நாட்டைச் சேர்ந்த நபர் ஒருவருக்கு வயிறு முழுவதும் நாடா புழு உண்டாகி உடல் அரிப்பால் அவதிப்பட்டு வருகிறார்.

சீனாவின் விருப்ப உணவுகளில் ஒன்றாக உள்ளது சமைக்காத பச்சை மீன். அதன்படி, பச்சை மீன் பிரியரான நபர் ஒருவர், சமீபத்தில் கடும் வயிற்று வலியால் அவதிக்குள்ளாகியுள்ளார். நாளடைவில் வயிற்று வலியோடு உடல் அரிப்பும் சேர்ந்து கொள்ள, சிகிச்சைக்கென குவாங்சோவில் உள்ள மருத்துமனையில் அனுமதிக்கப்பட்டார்.

அங்கு அவரைப் பரிசோதித்த டாக்டர்கள், வயிற்றுப் பகுதி முழுவதும் நாடாப் புழு நெளிவதைக் கண்டு அதிர்ச்சியடைந்தனர்.

இது தொடர்பாக நோயாளியிடம் மருத்துவர்கள் மேற்கொண்ட விசாரணையில், அவர் அளவுக்கதிகமாக பச்சை மீனைச் சாப்பிட்டது தெரிய வந்தது. அதனைத் தொடர்ந்து தற்போது நாடாப் புழுவை அழிப்பதற்கான சிகிச்சையை அந்நோயாளி பெற்று வருகிறார்.

விலையுயர்ந்த உணவுகளில் ஒன்றான பச்சை மீனால், ஒட்டுண்ணி நோய் ஏற்பட்டு உயிரிழக்க நேரிடும் என்று அந்நாட்டு மருத்துவர்கள் எச்சரித்த போதிலும் தொடர்ந்து சீனர்கள் இந்த உணவை உண்டு வருகின்றனர் என்பது குறிப்பிடத்தக்கது.

English summary

A Chinese man was left riddled with tapeworms after enjoying too much sashimi – a Japanese delicacy consisting of slices of raw meat or fish.