1 லட்சத்தை தொட்டது கொரோனா பாதிப்பு.. விஸ்வரூபம் எடுத்த வுஹன் வைரஸ்.. உலக வல்லரசு நாடுகள் திணறல்!

உலகம் முழுக்க கொரோனா வைரஸால் பாதிக்கப்பட்ட மக்களின் எண்ணிக்கை ஒரு லட்சத்தை தொட்டு இருக்கிறது.

பெய்ஜிங்: உலகம் முழுக்க கொரோனா வைரஸால் பாதிக்கப்பட்ட மக்களின் எண்ணிக்கை ஒரு லட்சத்தை தொட்டு இருக்கிறது.

கொரோனா வைரஸ்.. கடந்த மூன்று மாதங்களுக்கு முன் உருவான இந்த வைரஸ் தற்போது மொத்த உலகத்தையும் புரட்டிப்போட்டு இருக்கிறது. சீனாவில் வுஹனில் உருவான வைரஸ் தற்போது உலகை மொத்தமாக ஆட்டிப்படைத்து வருகிறது.

சீனாவில் தொடங்கி இருந்தாலும் தற்போது 85 நாடுகளில் இந்த வைரஸ் பரவி இருக்கிறது. மிக மிக சிறிய தீவுகளில் கூட இந்த வைரஸ் பரவி அச்சுறுத்தலை ஏற்படுத்தி வருகிறது.

எவ்வளவு

கொரோனா வைரஸால் பாதிப்பட்டோர் எண்ணிக்கை 1 லட்சத்தை தொட்டுள்ளது. 102,241பேர் உலகம் முழுக்க கொரோனா வைரஸால் பாதிப்பு. சீனாவில்தான் அதிகபேர் இந்த வைரஸால் பாதிக்கப்பட்டுள்ளனர் . சீனாவில் 86000 பேர் வரை இந்த வைரஸால் பாதிக்கப்பட்டுள்ளனர். உலகம் முழுக்க 3497 கொரோனா வைரஸால் பலியாகி உள்ளனர் . சீனாவில் 3070 பேர் கொரோனா வைரஸால் பலியாகி உள்ளனர்.

இந்தியா என்ன நிலை

இந்தியாவில் கொரோனா வைரஸால் பாதிப்பட்டோர் எண்ணிக்கை 31 ஆக உயர்ந்துள்ளது. டெல்லியில் புதிதாக ஒருவருக்கு கொரோனா வைரஸ் தாக்கியுள்ளது.இந்தியாவில் கொரோனா வைரஸ் தாக்குதல் வேகமாக ஏற்பட்டு வருகிறது. டெல்லியில்தான் அதிக பேருக்கு வைரஸ் தாக்குதல் ஏற்பட்டுள்ளது.ஹரியானாவில், உத்தரகாண்டிலும் இந்த வைரஸ் வேகமாக பரவி வருகிறது. டெல்லியில் பேடிஎம் ஊழியர் ஒருவருக்கும், நேற்று இன்னொரு டெல்லி இளைஞருக்கு இந்த வைரஸ் தாக்குதல் ஏற்பட்டது.

அமெரிக்கா எப்படி

அமெரிக்காவில் இந்த வைரஸ் தாக்குதல் மொத்தம் 307 பேருக்கு ஏற்பட்டுள்ளது. அங்கு இதுவரை 17 பேர் பலியாகி இருக்கிறார்கள். புளோரிடாவில் முதல் நபர் இந்த வைரஸால் பாதிக்கப்பட்டுள்ளார். இன்னொரு பக்கம் தென்கொரியாவில் இந்த வைரஸ் வேகமாக பரவி வருகிறது. அங்கு 483 பேருக்கு நேற்று வைரஸ் தாக்கியது. மொத்தமாக 7000 பேருக்கு வைரஸ் தாக்கியுள்ளது. 148 பேர் பலியாகி உள்ளனர்.

ஈரான் எப்படி

அதேபோல் ஈரானில் மொத்தம் 4747 பேர் வைரஸால் பாதிக்கப்பட்டனர். மொத்தம் 1234 நேற்று மட்டும் வைரஸால் பாதிக்கப்பட்டனர். அங்கு ராணுவத்தை களமிறக்கி மக்களை கட்டுப்படுத்தி வருகிறார்கள். அங்கு 128 பேர் பலியாகி உள்ளனர். அதேபோல் இத்தாலியில் இதுவரை 79 பேர் இந்த வைரஸால் பாதிக்கப்பட்டுள்ளனர். இதில் நேற்று மட்டும் 27 பேர் பலியானார்கள். அங்கு 2036 பேருக்கு இந்த வைரஸ் தாக்குதல் உள்ளது.

சீனாவில் எப்படி

சீனாவில் இந்த வைரஸ் கொஞ்சம் வேகம் குறைந்துள்ளது. அங்கு நேற்று 3070 பேருக்கு வைரஸ் பரவி உள்ளது. நேற்று 99 பேருக்கு மட்டுமே வைரஸ் பரவியது. அங்கு விரைவில் கொரோன வைரஸ் கட்டுப்படுத்த வாய்ப்புள்ளது என்கிறார்கள். ஆனால் சீனா மொத்தமாக இந்த வைரஸ் தாக்குதலில் இருந்து வெளியே வர இன்னும் பல மாதங்கள் ஆகலாம் என்கிறார்கள்.

English summary

Coronavirus: 1 Lakh people around the world affected by COVID - 19, 3497 died.