Earthquake: அலறியடித்து ஓடிய மக்கள்.. துருக்கியில் சக்திவாய்ந்த நிலநடுக்கம்! ரிக்டர் அளவில் 6.1 ஆக பதிவு!

இஸ்தான்புல்: கடந்த சில நாட்களாக நிலநடுக்கங்கள் கடுமையான அச்சுறுத்தலை ஏற்படுத்தி வருகிறது. இந்நிலையில் இன்று இரவு துருக்கியில் சக்திவாய்ந்த நிலநடுக்கம் பதிவாகியுள்ளது.

ரிக்டர் அளவில் 6.1 என நிலநடுக்கம் பதிவாகியிருக்கிறது என ஜெர்மன் நிலநடுக்க ஆய்வு மையம் தெரிவித்திருக்கிறது. மேற்கு துருக்கியில் 11 கி.மீ ஆழத்தில் இந்த நிலநடுக்கம் ஏற்பட்டிருக்கிறது.

அந்நாட்டின் உள்ளூர் நேரப்படி இரவு 7.15 மணிக்கு நிலநடுக்கம் பதிவாகியிருக்கிறது. நிலநடுக்கம் காரணமாக என்ன பாதிப்புகள் ஏற்பட்டிருக்கிறது என்பது குறித்த விவரங்கள் இன்னும் தெரியவில்லை. ஆனால் இஸ்தான்புல் அருகிலுள்ள பலகேசிர் மாகாணத்தில் நிலநடுக்கத்தின் பாதிப்புகளை மக்கள் உணர்ந்திருக்கின்றனர்.

English summary

earthquake(நிலநடுக்கம்): A 6.1 magnitude earthquake rocked western Turkey today, per the AFAD disaster agency. The tremor struck near Istanbul at 7.15 pm, causing buildings to sway in Balikesir. Authorities are checking for casualties and infrastructure damage.