வெளிநாட்டுக் குழந்தைகள் மீதான அமெரிக்கர்களின் மோகம் குறைகிறது

நியூயார்க் : அமெரிக்க தம்பதிகளிடையே வெளிநாட்டுக் குழந்தைகளை தத்தெடுக்கும் மோகம் குறைந்து வருவதாக தெரிகிறது. தத்தெடுக்கும் விகிதம் கடந்தாண்டு 9 சதவீதம் அளவில் குறைந்துள்ளதாக அமெரிக்க உள்துறை அமைச்சக தகவல்கள் தெரிவிக்கின்றன.

கடந்த 33 ஆண்டுகளில் இது மிகக் குறைந்த அளவு என அதில் குறிப்பிடப்பட்டுள்ளது.

இது தொடர்பாக உள்துறை அமைச்சகம் வெளியிட்டுள்ள அறிக்கையில், கடந்த 2014ம் ஆண்டு 6,441 வெளிநாட்டுக் குழந்தைகளை அமெரிக்க தம்பதிகள் தத்தெடுத்துள்ளதாக தெரிவிக்கப்பட்டுள்ளது.

அதேசமயம் இந்த விகிதாச்சாரமானது கடந்த 2013ம் ஆண்டு 7,094 ஆக இருந்தது என்று அந்த அறிக்கையில் தெரிவிக்கப்பட்டுள்ளது.

இருப்பினும், கடந்த 2004ம் ஆண்டு இந்த எண்ணிக்கை 22,884 ஆக இருந்தது என்பது குறிப்பிடத்தகக்து. அதாவது 3 மடங்கு அதிகமாக இருந்தது.

வெளிநாட்டுக் குழந்தைகள்...

இதன் மூலம் வெளிநாட்டுக் குழந்தைகளை தத்தெடுக்கும் அமெரிக்கர்களின் எண்ணிக்கையானது ஆண்டு தோறும் குறைந்து வருவது தெரிய வந்துள்ளது. கடந்த 2004ம் ஆண்டை ஒப்பிடும் போது, தற்போதைய நிலவரப்படி தத்து எடுக்கப்படும் குழந்தைகளின் எண்ணிக்கை 74 சதவீதம் குறைந்துள்ளது.

காரணம் தெரியவில்லை...

இந்த குறைவுக்கு என்ன காரணம் என்பது தெரியவில்லை. இது தத்தெடுப்பு தொடர்பான அமெரிக்க வழக்கறிஞர்களின் மத்தியிலும் கூட புரியாத புதிராக உள்ளதாம். இந்த எண்ணிக்கை எதிர்காலத்தில் அதிகரிக்குமா என்ற கேள்விக்கு பதில் தருவது கடினம் என்று உள்துறை அமைச்சக தத்தெடுப்புப் பிரிவு தலைவர் டிரிஷ் மாஸ்கியூ கூறியுள்ளார்.

சீனா முதலிடம்...

அமெரிக்கர்களால் அதிக அளவில் தத்தெடுக்கப்படும் வெளிநாட்டுக் குழந்தைகளில் சீனாதான் முதலிடத்தில் இருந்து வந்தது. ஆனால் இது தற்போது 10 சதவீதம் குறைந்து விட்டது. எத்தியோப்பிய குழந்தைகளுக்கு இதில் 2வது இடம் கிடைத்து வந்தது. கடந்த ஆண்டு 716 குழந்தைகள் தத்தெடுக்கப்பட்டன. ஆனால் இது 2012ம் ஆண்டு 1568 ஆக இருந்தது.

ரஷ்யக் குழந்தைகள்...

அதற்கு அடுத்த இடங்களில் உக்ரைன், ஹெய்தி, தென் கொரியா ஆகியவை வருகின்றன. ரஷ்யாவுக்கு 2012ம் ஆண்டு இந்தப் பட்டியலில் 3வது இடம் கிடைத்திருந்தது. ஆனால் அது வேகமாக குறைந்து விட்டது.

English summary

The number of foreign children adopted by U.S. parents dropped by 9 percent last year to the lowest level since 1982, according to new State Department figures.