இந்தியா வராட்டி என்ன?: துபாய் பாலைவனத்தில் புயலைக் கிளப்பிய கிம்
அபுதாபி: அமெரிக்க டிவி ரியாலிட்டி ஷோ நடிகை கிம் கர்தாஷியன் அமீரகத்தில் தனது நிறுவன தயாரிப்பான ப்ளூர் படாலே என்ற வாசனை திரிவியத்தை விளம்பரப்படுத்தினார்.
அமெரிக்க டிவி ரியாலிட்டி ஷோ நடிகையும், மாடலுமான கிம் கர்தாஷியன் இந்தியா வந்து சல்மான் கான் நடத்தும் பிக் பாஸ் ரியாலிட்டி ஷோவில் கலந்து கொள்வதாக இருந்தது. ஆனால் விசா பிரச்சனை காரணமாக அவரால் இந்தியாவுக்கு வர முடியவில்லை. இந்நிலையில் தான் அம்மணி ஐக்கிய அரபு அமீரகம் சென்றுள்ளார்.
கடந்த சனிக்கிழமை அபுதாபி சென்ற அவர் வாசனை திரவியத்தை விளம்பரப்படுத்தினார். முன்னதாக வெள்ளிக்கிழமை அவர் துபாயில் நடிகை மிஷல் ரோட்ரிகஸை சந்தித்து பேசினார்.
அவர் தனது உதவியாளர்களுடன் அபுதாபியில் உள்ள யஸ் கடற்கரைக்கு சென்றார். மேலும் பாலைவன மணலில் காரில் சவாரி செய்தார். இது தவிர அவர் ஹெலிகாப்டரில் பாலைவனப் பகுதிகளை சுற்றிப் பார்த்தார்.
கிம்மின் ஒரு வயது மகளை அவர் தனது தாயின் பொறுப்பில் லாஸ் ஏஞ்சல்ஸில் விட்டுவிட்டு வந்துள்ளார். அதனால் அவர் மகளைப் பற்றிய கவலை இன்றி அமீரகத்தை சுற்றிப் பார்த்துக் கொண்டிருக்கிறார்.
அவர் அபுதாபியில் நடந்த பார்முலா 1 கார் பந்தயத்தை முன்னிட்டு அங்கு சென்றார். நேற்று இரவு நடந்த போட்டியில் லீவிஸ் ஹாமில்டன் வெற்றி பெற்றார் என்பது குறிப்பிடத்தக்கது.
Click it and Unblock the Notifications
Sign in with Google