அமெரிக்காவில் விமானத்தில் இருந்து இறக்கிவிடப்பட்ட புர்கா அணிந்த முஸ்லீம் பெண்
சிகாகோ: அமெரிக்காவில் புர்கா அணிந்து முகத்தை மறைத்தபடி வந்த முஸ்லீம் பெண் விமானத்தில் இருந்து கீழே இறக்கிவிடப்பட்டுள்ளார்.
அமெரிக்காவின் மேரிலேண்ட் மாநிலத்தை சேர்ந்தவர் ஹகிமா அப்துல். அவர் புர்கா அணிந்து முகத்தை மறைத்தபடி சிகாகோவில் இருந்து சியாட்டிலுக்கு செல்ல சவுத்வெஸ்ட் ஏர்லைன்ஸ் விமானத்தில் ஏறினார். தனக்கு அருகில் இருந்த பயணியால் தனக்கு அசவுகரியமாக உள்ளது அதனால் இருக்கையை மாற்றித் தருமாறு அவர் சிப்பந்திகளிடம் கேட்டுள்ளார்.
அதற்கு அவர்கள் இருக்கையை மாற்றுவதற்கு பதில் அவரையே விமானத்தை விட்டு கீழே இறக்கிவிட்டனர். முன்னதாக இந்த மாத துவக்கத்தில் ஈராக்கை சேர்ந்த ஒருவர் அரபு மொழியில் பேசியதற்காக சவுத்வெஸ்ட் ஏர்லைன்ஸ் விமானத்தில் இருந்து கீழே இறக்கிவிடப்பட்டார்.
விமானத்தில் இருந்து இறக்கிவிடப்பட்ட சோமாலியாவை சேர்ந்த ஹகிமாவை விமான நிலைய போலீசார் வந்து அழைத்துச் சென்று டிக்கெட் கவுண்ட்டரில் விட்டுள்ளனர். அவர் பல மணிநேரம் காத்திருந்து வேறு ஒரு விமானத்தில் பயணம் செய்துள்ளார்.
ஹகிமாவை சிப்பந்திகள் விமான நிலைய போலீசாரிடம் ஒப்படைக்கையில் அவரை விமானத்தில் இருந்து இறக்கிவட ஏதாவது காரணம் உள்ளதா என போலீசார் கேட்டதற்கு அவர்கள் இல்லை என்று தெரிவித்துள்ளனர்.
ஹகிமாவின் கணவர் அபுகர் பிதா கூறுகையில்,
என் மனைவி முஸ்லீம் என்பதாலும், அவர் அணிந்திருந்த உடையாலும் தான் அவரை அவமானப்படுத்தியுள்ளனர் என்றார்.
Click it and Unblock the Notifications
Sign in with Google