புதிய அதிபராகப் பொறுப்பேற்கும் ட்ரம்புக்கு வாழ்த்துச் சொன்னார் ஹிலரி!
வாஷிங்டன்: மிகப் பெரிய பெரும்பான்மையுடன் வென்று, அமெரிக்காவின் புதிய அதிபராகப் பொறுப்பேற்கவிருக்கும் டொனால்ட் ட்ரம்புக்கு தனது வாழ்த்துகளைத் தெரிவித்துக் கொண்டார் ஹிலரி க்ளிண்டன்.
அதிபர் தேர்தலில் ட்ரம்புக்கும் ஹிலரிக்கும் ஆரம்பத்தில் பெரும் இழுபறி நிலை நீடித்தது. ஆனால் போகப் போக ட்ரம்புக்கு பல மாநிலங்களில் மிகப்பெரிய வெற்றி கிடைத்தது.
ஹிலரி மிகவும் நம்பியிருந்த ப்ளோரிடா, பென்சில்வேனியா போன்ற மாநிலங்களில் ஒரு சதவீத வாக்குகளில் வெற்றி பறிபோனதால், அவரால் வெற்றியைத் தொட முடியவில்லை.
289 வாக்குகளுடன் வெற்றியைப் பெற்றார் ட்ரம்ப். இருவருக்குமான வாக்கு சதவீதம் வெறும் 0.8 சதவீதம்தான்.
ட்ரம்பின் வெற்றி அதிகாரப்பூர்வமாக அறிவிக்கப்பட்ட உடன், அவருக்கு தனது வாழ்த்துகளைத் தெரிவித்தார் ஹிலரி க்ளிண்டன். மேலும் இந்த தேர்தல் முடிவை தான் ஏற்பதாகவும் அறிவித்தார்.
அமெரிக்க வரலாற்றில் அதிபர் பதவிக்கு முதல் முறையாக போட்டியிட்ட பெண்மணி ஹிலரிதான். ஆனால் முதல் போட்டியே தோல்வியில் முடிந்துள்ளது.