அமெரிக்காவில் நடுவானில் பெயர்ந்து விழுந்த விமானத்தின் உள்சுவர்: பயணிகள் அலறல்
சான் பிரான்சிஸ்கோ: அமெரிக்காவின் சான் பிரான்சிஸ்கோ நகரில் இருந்து டல்லாஸுக்கு கிளம்பிய விமானத்தின் உட்புற மேற்கூரை பெயர்ந்து வந்ததால் பயணிகள் பீதி அடைந்தனர்.
அமெரிக்காவின் சான் பிரான்சிஸ்கோ நகரில் இருந்து 190 பேருடன் விமானம் ஒன்று டெக்சாஸில் உள்ள டல்லாஸ் நகருக்கு திங்கட்கிழமை கிளம்பியது. விமானம் கிளம்பிய சில நிமிடத்திலேயே உள்பகுதியில் ஏதோ சத்தம் வருவதை பயணிகள் கேட்டுள்ளனர். நேரம் ஆக ஆக விமானத்தின் உட்புறத்தில் உள்ள பிளாஸ்டிக் சுவர் பெயர்ந்து வரத் துவங்கியது.
இதை பார்த்த பயணிகள் பீதியில் அலறினர். அது வெறும் பிளாஸ்டிக் தான் அதனால் விமானம் டல்லாஸ் வரை செல்லும் என்று விமானி தெரிவித்தார். ஆனால் பிளாஸ்டிக் சுவர் வேகமாக பெயர்ந்து விழுந்ததை பார்த்த விமானி நெவாடாவில் இருந்து விமானத்தை சான் பிரான்சிஸ்கோவுக்கே திருப்பினார். விமானம் சான் பிரான்சிஸ்கோ நகரில் மதியம் 2.15 மணிக்கு பத்திரமாக தரையிறக்கப்பட்டது.
விமானத்தில் இருந்த ஒருவர் பிளாஸ்டிக் பெயர்ந்து வந்ததை போட்டோ எடுத்து தனது ஃபேஸ்புக் பக்கத்தில் போட்டுள்ளார். ஒரு வேளை விமானம் விபத்துக்குள்ளானால் இது தனது மனைவிக்கு தெரிய வேண்டும் என்பதற்காக அவ்வாறு செய்தாராம்.
பிளாஸ்டிக் சுவர் பெயர்ந்து வருவது சாதாரணமாக ஒன்று தான் என்று முன்னாள் அமெரிக்க கடற்படை விமானி டிட்சி தெரிவித்துள்ளார்.
Click it and Unblock the Notifications
Sign in with Google