அமெரிக்க அதிபர் ஒபாமாவுக்கு ஈரான் தலைவர் அயத்துல்லா ரகசிய கடிதம்

டெஹ்ரான்: அமெரிக்கா அதிபர் ஒபாமாவுக்கு ஈரான் நாட்டு தலைவர் அயத்துல்லா கொமேனி ரகசிய கடிதம் அனுப்பியதாக தகவல்கள் வெளியாகி பரபரப்பு ஏற்பட்டுள்ளது.

கடந்த அக்டோபரில் அமெரிக்க அதிபர் ஒபாமா அனுப்பிய கடிதத்திற்கு பதில் அளிக்கும் விதமாக ஈரான் தலைவர் அயத்துல்லா கொமேனி ரகசிய கடிதம் எழுதியுள்ளதாக வால் ஸ்ட்ரீட் பத்திரிகை கூறியுள்ளது.

இது குறித்து ஈரான் நாட்டு தூதர் ஒருவரை மேற்கோள் காட்டி வெளியிடப்பட்டுள்ள அந்த செய்தியில், ஐ.எஸ். தீவிரவாத அமைப்பை எதிர்த்துப் போராட ஈரானின் ஒத்துழைப்பைக் கோரியுள்ள அமெரிக்க அதிபர் ஒபாமாவின் கடிதத்திற்கு கொமேனி பதில் அளித்துள்ளார்.

அணு ஆயுத விவகாரத்தில் ஒத்துழைப்பு நல்கினால் ஐ.எஸ். அமைப்பை ஒடுக்கலாம் என்று ஒபாமா அதில் அறிவுறுத்தியிருந்ததாகத் தெரிகிறது.

இதற்கு ரகசிய கடிதம் அனுப்பியுள்ள ஈரான் தலைவர் அயத்துல்லா கொமேனி, மரியாதை நிமித்தமாக பதில் அனுப்பியுள்ளதாகவும் ஐ.எஸ். பற்றியோ, அணு ஒத்துழைப்பு பற்றியோ பெரிதாக அதில் எதுவும் குறிப்பிடாமல் கடிதம் எழுதியுள்ளதாகவும் அந்த தூதரக அதிகாரி கூறியதாக அதில் தெரிவிக்கப்பட்டுள்ளது.

English summary

Iran's Supreme Leader Ayatollah Ali Khamenei has responded to overtures from U.S. President Barack Obama amid nuclear talks by sending him a secret letter, the Wall Street Journal reported on Friday.