ஈரானின் இதயத்தில் அடித்த இஸ்ரேல்.. கமனேி அலுவலகம் டூ பாதுகாப்பு அமைச்சகம் வரை.. கைகோர்த்த அமெரிக்கா

Updated: Saturday, February 28, 2026, 23:58 [IST]

Subscribe to Oneindia Tamil

டெஹ்ரான்: ஈரான் மீது இன்று திடீரென்று இஸ்ரேல் கொடூரமான தாக்குதலை தொடங்கி உள்ளது. ஈரானின் பல்வேறு முக்கிய இடங்களை குறிவைத்து இஸ்ரேல் தாக்குதல் நடத்தி வருகிறது. இந்நிலையில் தான் ஈரானில் எந்தெந்த இடங்களில் தாக்குதல் நடத்தப்பட்டுள்ளது என்பது பற்றிய திடுக்கிட வைக்கும் தகவல் வெளியாகி உள்ளது.

ஈரான் தலைநகர் டெஹ்ரானின் வடக்கு மற்றும் கிழக்கு பகுதிகளில் இஸ்ரேல் தாக்குதலை தொடங்கி உள்ளது. இஸ்ரேலின் ஏவுகணைகள் ஈரான் தலைநகரில் பல இடங்களில் தாக்கியுள்ளது.

israel-attacks-iran-from-khmenei-office-to-atomic-energy-organization-what-is-the-israel-main-targe

இதனால் ஈரான் - இஸ்ரேல் இடையே போர் வெடித்துள்ளது. இதனால் பொதுமக்கள் பாதுகாப்பு காரணங்களுக்காக பாதுகாப்பான இடங்களில் பதுங்க வேண்டும் என்று ஈரான் அரசு அறிவுரை வழங்கி உள்ளது.

ஈரானின் இதயம்

இந்நிலையில் தான் இஸ்ரேல், ஈரானின் இதயப்பகுதியை குறிவைத்து அட்டாக் செய்துள்ளது. ஈரானை எடுத்து கொண்டால் தலைநகர் டெஹ்ரானில் தான் அதிகமான மக்கள் வசிக்கின்றனர். அரசின் முக்கிய அலுவலகங்கள் இங்கு தான் செயல்பட்டு வருகின்றன. இந்நிலையில் தான் இஸ்ரேல், ஈரானின் இதயப்பகுதியான டெஹ்ரானை குறிவைத்து தாக்கி உள்ளது.

கமேனியின் அலுவலகம்

அதன்படி டெஹ்ரானின் ஜோம்ஹரி சதுக்கம், ஹாசன் அபாத் சதுக்கம் உள்பட பல இடங்களில் தாக்குதல் நடத்தப்பட்டுள்ளதாக முதற்கட்டமாக தகவல் வெளியாகி உள்ளது. குறிப்பாக டெஹ்ரானில் உள்ள ஈரான் உச்சபட்ச தலைவர் அயதுல்லா அலி கமேனியின் அலுவலகத்தை குறிவைத்து 7 ஏவுகணைகள் ஏவப்பட்டுள்ளது.

இந்த ஏவுகணைகள் அலுவலகத்தின் காம்பவுண்ட்டை தாக்கியதாக தகவல்கள் வெளியாகி உள்ளது. சேதங்கள் பற்றி .உடனடியாக தகவல்கள் வெளியாகவில்லை. அயதுல்லா அலி கமேனி தற்போது சுரங்கத்துக்குள் ரகசியமாக பதுங்கி உள்ளார்.

100 டார்க்கெட்

அதேபோல் ஈரான் உளவுத்துறை அலுவலகம், காப்பு துறை அமைச்சகம், அணுசக்தி திட்டங்களின் கட்டமைப்புகளை குறிவைத்து தாக்குதல் நடத்தப்பட்டுள்ளது. மேலும் ஈரானின் சகாபர் கடற்கரை மற்றும் பெர்ஷியன் வளைகுடா கடற்பகுதிகளிலும் ஈரான் தாக்குதல் நடத்தி உள்ளது. மொத்தம் 100 இடங்கள் டார்க்கெட் செய்யப்பட்டு தாக்குதல் நடத்தப்பட்டுள்ளது.

அமெரிக்கா – ஈரான் மாறிமாறி...

இந்த தாக்குதலில் இஸ்ரேலுக்கு ஆதரவாக அமெரிக்காவும் களமிறங்கி உள்ளது. இதனால் ஈரான் மோசமான விளைவுகளை சந்திக்க உள்ளது. இதற்கு பதிலடியாக இஸ்ரேல் மீது ஈரானும் தாக்குதலை தொடங்கி உள்ளது. முதற்கட்டமாக 30 ஏவுகணைகள் இஸ்ரேல் தலைநகர் டெல்அவிவை நோக்கி ஈரான் அனுப்பி உள்ளது. இதனால் மீண்டும் இஸ்ரேல் - ஈரான் இடையே போர் வெடித்துள்ளது.