'"ரகம் ரகமாக" லட்சக்கணக்கில் ஏவுகணைகள்..10 கி.மீ டூ 200 கிமீ வரை டார்கெட்- இஸ்ரேலை கதறவிடும் ஹமாஸ்!
காஸா: பாலஸ்தீனத்தின் ஹமாஸ் இயக்கம் பல்லாயிரக்கணக்கான ஏவுகணைகளை சொற்ப நிமிடங்களில் இஸ்ரேல் மீது வீசி உலகையே அதிரவைக்கும் தாக்குதல் நடத்தி மிகப் பெரிய யுத்தத்தை உருவாக்கி இருக்கிறது.
பாலஸ்தீனத்தின் மேற்கு கரை, காஸாவை கட்டுப்பாட்டில் வைத்திருக்கும் ஹமாஸ் எனும் இஸ்லாமிய ஜிகாதி அமைப்பு 'ஏவுகணைகள்' ஸ்பெஷலிஸ்ட் அமைப்பு என்கின்றனர் ராணுவ ஆய்வாளர்கள்.
எகிப்து, ஈரான் ஆதரவு: எகிப்தில் இருந்து சுரங்கம் அமைத்து ஏவுகணை தயாரிப்புக்கான அத்தனை பொருட்களையும் கொண்டு வருகிறதாம் ஹமாஸ். ஈரானின் மறைமுக ஆதரவுடன் மேற்கு கரை, காஸா பகுதிகளில் பிரம்மாண்ட ஏவுகணை தயாரிப்பு தொழிற்சாலைகளை ஹமாஸ் நிர்வகித்து வருகிறது.
இஸ்ரேல் இலக்கில் ஏவுகணை தொழிற்சாலைகள்: இஸ்ரேல் நாட்டின் பிரதான இலக்குகளே இந்த ஏவுகணை தயாரிப்பு தொழிற்சாலைகள்தானாம். ஏனெனில் வகை வகையான ஏவுகணைகளை லட்சக்கணக்கில் தயாரித்து குவித்து வைத்திருக்கிறது ஹமாஸ். அதுவும் 10 கி.மீ. தொலைவில் இருந்து 200 கி.மீ. தொலைவு வரையிலான இலக்குகளைத் தாக்கி அழிக்கும் ரகம் ரகமான ஏவுகணைகளை கைவசம் வைத்திருக்கிறதாம் ஹமாஸ்.
10 கி.மீ தொலைவுக்கும் ஏவுகணை: ஹமாஸ் இயக்கம் தயாரித்திருக்கும் காசம் என்ற ஏவுகணை 10 கி.மீ தொலைவில் உள்ள இலக்குகளைத் தாக்கி அழிக்கும் வல்லமை கொண்டது. கஸ்ட் 101 என்ற ஏவுகணை 16 கி.மீ. தொலைவில் உள்ள இலக்கை குறிவைத்து நிர்மூலமாக்குமாம். சேஜில் 55 ஏவுகணை 55 கி.மீ. தூரத்தில் உள்ள இலக்கை அழிக்கும் வல்லமை கொண்டதாம்.
அடேங்கப்பா ரக ஏவுகணைகள்: அதிகபட்சமாக 200 கி.மீ. தொலைவு வரையிலான இலக்குகளை அதாவது ஒட்டுமொத்தமாக இஸ்ரேலை அழித்து நாசமாக்கும் வல்லமை கொண்ட தொலை தூர ஏவுகணைகளையும் தயாரித்து வைத்திருக்கிறதாம் ஹமாஸ். எம் - 75 ரக ஏவுகணை 100கிமீட்டர்; ஃபஜிர் ஏவுகணை 120 கி.மீட்டர்; தி ஆர் - 160 என்ற ஏவுகணை 120 கி.மீட்டர்; எம் - 302 ரக ரவுகணைகள் 200 கி.மீ . தொலைவில் உள்ள இலக்குகளை தாக்கி அழிக்கும்.
இஸ்ரேலின் வல்லமை: ஒரு பயங்கரவாத இயக்கமான ஹமாஸ் இத்தனை வசதிகளை ரகம் ரகமான ஏவுகணைகளை வைத்திருக்கும் போது அதிநவீன ராணுவமான இஸ்ரேல் சும்மாவா இருக்கும்? ஹமாஸ் ஏவுகணகளை நடுவானில் தாக்கி அழிப்பது திருப்பி விடுவது என பலவகைகளிலும் பதிலடி கொடுக்கும் வல்லமையும் இஸ்ரேலுக்கும் இருக்கிறது. இருந்த போதும் இப்படி சொற்ப நேரத்தில் பல்லாயிரக்கணக்கான ஏவுகணைகளை இடைவிடாமல் செலுத்துகிற திடீர் "ஏவுகணை கொரில்லா" தாக்குதல்கள் எந்த ஒரு வல்லமை படைத்த தேசத்தையும் வாய்விட்டு கதறத்தான் வைக்கும் என்பதையே இன்றைய ஹமாஸ் தாக்குதல்கள் வெளிப்படுத்துகிறது என்கின்றனர் ராணுவ ஆய்வாளர்கள்.
Click it and Unblock the Notifications
Sign in with Google