தவமாய் தவமிருந்து வாங்கிய ஆஸ்கர் விருதை ஹோட்டலில் மறந்துவிட்டு சென்ற டிகேப்ரியோ

By Siva

Published: Thursday, March 3, 2016, 11:54 [IST]

Subscribe to Oneindia Tamil

லாஸ் ஏஞ்சல்ஸ்: ஹாலிவுட் நடிகர் லியோனார்டோ டிகேப்ரியா தவமாய் தவமிருந்து வாங்கிய ஆஸ்கர் விருதை ஹோட்டலில் மறந்து வைத்துவிட்டு சென்றுள்ளார்.

தொலைக்காட்சி தொடர்கள் மூலம் நடிகரான லியோனார்டோ டிகேப்ரியோ 1991ம் ஆண்டு கிரிட்டர்ஸ் படம் மூலம் ஹாலிவுட்டில் நுழைந்தார். 1993ம் ஆண்டு அவர் நடிப்பில் வெளியான வாட் இஸ் ஈட்டிங் கில்பெர்ட் கிரேப்புக்காக சிறந்த துணை நடிகருக்கான ஆஸ்கர் விருதுக்கு பரிந்துரைக்கப்பட்டார்.

அந்த ஆண்டு அவருக்கு ஆஸ்கர் விருது கிடைக்கவில்லை.

ஆஸ்கர்

1993, 2005, 2007, 2014 ஆகிய ஆண்டுகள் லியோனார்டோ டிகேப்ரியோ ஆஸ்கர் விருதுக்கு பரிந்துரைக்கப்பட்டார். ஒவ்வொரு முறையும் ஆசையுடன் விருது விழாவுக்கு சென்று ஏமாற்றத்துடன் திரும்பி வந்தார்.

ஒரு வழியாக

2016ம் ஆண்டுக்கான சிறந்த நடிகருக்கான ஆஸ்கர் விருது கேப்ரியோவுக்கு கிடைத்தது. ஒரு வழியாக அவருக்கு ஆஸ்கர் விருது கிடைத்ததை அவரது ரசிகர்கள் கொண்டாடி வருகிறார்கள்.

பார்ட்டி

ஆஸ்கர் விருது வாங்கிய கையோடு கேப்ரியோ மேற்கு ஹாலிவுட்டில் உள்ள உணவகம் ஒன்றுக்கு சென்று பார்ட்டியில் கலந்து கொண்டார்.

மறுந்து விட்டு

பார்ட்டி முடிந்து வீட்டிற்கு கிளம்பிய கேப்ரியோ ஆஸ்கர் விருதை ஹோட்டலில் மறந்து வைத்துவிட்டு காரில் ஏறினார். இதை பார்த்த ஒருவர் விருதை எடுத்துக் கொண்டு வந்து கேப்ரியோவிடம் கொடுத்தார். அதை அவர் வாங்காமல் காரின் முன்பகுதியில் இருந்தவரிடம் கொடுக்குமாறு கூறியுள்ளார்.

Published On March 3, 2016