ஃபெட்னா தமிழ் விழாவுக்கு மேடி வராக, ஏமி வராக, இன்னும்...
கலிபோர்னியா: அடுத்த மாதம் கலிபோர்னியாவில் நடக்க உள்ள ஃபெட்னா தமிழ் விழாவில் நடிகர் மாதவன், நடிகை ஏமி உள்ளிட்டோர் கலந்து கொள்கிறார்கள்.
வட அமெரிக்க தமிழ்ச்சங்கப் பேரவையான ஃபெட்னாவின் தமிழ் விழா வரும் ஜூலை மாதம் 3ம் தேதி மற்றும் 4ம் தேதி ஆகிய இரு தினங்கள் கலிபோர்னியாவில் நடைபெறுகிறது. விழாவில் 80 மணிநேரம் தமிழ் நிகழ்ச்சிகள் நடத்த ஏற்பாடு செய்யப்பட்டுள்ளது. மேலும் பெரியவர்கள், சிறுவர்களுக்கு ஏராளமான போட்டிகள் நடத்தி பரிசுகள் வழங்கப்படுகிறது.
தமிழ் விழாவில் நடிகர் மாதவன், நடிகை ஏமி உள்ளிட்ட தமிழ் திரையுலக பிரபலங்கள் கலந்து கொள்கிறார்கள். விழாவில் இலங்கை வடக்கு மாகாண முதல்வர் விக்னேஸ்வரனும் கலந்து கொண்டு சிறப்பிக்க உள்ளார்.
பிரபல டிவி நிகழ்ச்சி தொகுப்பாளர் பி.ஹெச். அப்துல் ஹமீத் தொகுத்து வழங்கும் ஹரிசரண் மற்றும் பென்னட் குழுவினரின் மாபெரும் மெல்லிசை விருந்து நடக்க உள்ளது. இந்த நிகழ்ச்சி ஜூலை 4ம் தேதி இரவு 7 மணிக்கு நடக்கும்.
மேலும் 8கே வானொலி வழங்கும் கதம்ப மாலை நிகழ்ச்சியும் நடைபெற உள்ளது. மோகன், ஆர்.ஜே. தீனா, படவா கோபி பங்கேற்கும் பல்சுவை நிகழ்ச்சிக்கும் ஏற்பாடு செய்யப்பட்டுள்ளது.
Click it and Unblock the Notifications
Sign in with Google