அச்சச்சோ காற்றில் என் கவுன் மேலே தூக்குதே: பதறியடித்து பிடித்த மிஷல் ஒபாமா

By Siva

Updated: Monday, June 22, 2015, 12:28 [IST]

Subscribe to Oneindia Tamil

வெனிஸ்: அமெரிக்க அதிபர் பாரக் ஒபாமாவின் மனைவி மிஷல், மகள்கள் மால்யா, ஷாஷா ஆகியோர் வெனிஸ் நகர கால்வாய்களில் படகில் உல்லாசமாக சுற்றி வந்தனர். வெனிஸில் பலத்த காற்று அடித்தபோது மிஷலின் கவுன் மேலே பறக்க அவர் படக்கென்று அதை பிடித்துவிட்டார்.

அமெரிக்க அதிபர் ஒபாமாவின் மனைவி மிஷல் தனது மகள்கள் மால்யா, ஷாஷா, தாய் மரியன் ராபின்சன் ஆகியோருடன் ஐரோப்பாவில் சுற்றுப்பயணம் மேற்கொண்டார்.

Michelle Obama had Marlyn Monroe moment in Venice

கடந்த வெள்ளிக்கிழமை அன்று இத்தாலியின் வெனிஸ் நகரில் உள்ள வரலாற்று சிறப்புமிக்க கால்வாய்களில் அவர்கள் படகில் உலா வந்தனர். அவர்களின் படகிற்கு முன்பும், பின்பும் போலீசார் பாதுகாப்பு படகுகளில் வந்தனர்.

ஒபாமாவின் குடும்பத்தாரை பார்க்க பொதுமக்கள் பாலங்களின் மீது கூடியிருந்தனர். படகில் சென்ற அவர்கள் டோகே அரண்மனை மற்றும் சான் மார்கோ பசிலிகா ஆகிய இடங்களுக்கும் சென்றனர்.

வெனிஸ் நகரில் ஒபாமா குடும்பத்தார் விமானத்தில் இருந்து இறங்கியபோது பலத்த காற்றடித்தது. அப்போது மிஷல் அணிந்திருந்த கவுன் மேலே தூக்க அவர் படக்கென்று அதை பிடித்துவிட்டார். அவருடைய கவுன் மட்டும் அல்ல அவரது மகள்களின் கவுனும் மேலே தூக்கியது.

இத்தாலியில் உள்ள அமெரிக்க ராணுவ வீரர்கள் மற்றும் அவர்களின் குடும்பத்தாரை மிஷல் மற்றும் அவரது மகள்கள் சந்தித்து பேசி போட்டோவுக்கு போஸ் கொடுத்தனர். மிஷல் ராணுவ வீரர்களின் குழந்தைகளுக்கு புத்தகத்தில் உள்ள கதைகளை வாசித்து காண்பித்தார். மேலும் ராணுவ வீரர்களின் கர்ப்பணி மனைவிகளை சந்தித்து பேசினார்.