2016ன் உலக அழகியாக முடி சூடினார் போர்ட்டோரிகா அழகி ஸ்டெஃபானி டால் வாலஸ் டியாஸ்
2016ஆம் ஆண்டின் உலக அழகி பட்டத்தை போர்ட்டோரிகா நாட்டின் மாடல் அழகி ஸ்டெஃபானி டால் வாலஸ் டியாஸ் வென்றுள்ளார்.
வாஷிங்கடன்: 66வது உலக அழகி போட்டி அமெரிக்காவின் வாஷிங்டனில் நடைபெற்றது. இந்தியா, பிரான்ஸ், இந்தோனேஷியா உட்பட பல்வேறு நாடுகளில் இருந்து 116 அழகிகள் இந்த போட்டியில் கலந்து கொண்டனர்.
இறுதி சுற்று முடிவில் போர்ட்டோரிகா நாட்டைச் சேர்ந்த 19 வயது ஸ்டெஃபானி டால் வாலஸ் டியாஸ் 2016ஆம் ஆண்டின் உலக அழகியாக அறிவிக்கப்பட்டார். அவருக்கு பாரம்பரியமான உலக அழகி கிரீடம் சூடப்பட்டது.
உலக அழகியாக தேர்ந்தெடுக்கப்பட்டுள்ள ஸ்டெஃபானி டால் வாலஸ் நியூயார்க் பல்கலைக்கழக மாணவி. போர்ட்டோரிகாவில் இருந்து தேந்தெடுக்கப்படும் 2-வது உலக அழகி இவர். ஏற்கனவே 1975ம் ஆண்டு நடைபெற்ற போட்டியில் போர்ட்டோரிகாவைச் சேர்ந்த வினிலியா மெஸ்ட் உலக அழகியாக தேர்ந்தெடுக்கப்பட்டது
இந்த போட்டியில் டோமனிக் குடியரசின் ரியஸ் வேமரிஷ் 2வது இடத்தையும், இந்தோனேஷியா அழகி நாடாச மேனுலா 3வது இடத்தையும் பிடித்தனர்.
இந்திய அழகி பிரயதர்ஷினி சாட்டர்ஜி 17வது இடமே கிடைத்தது குறிப்பிடத்தக்கது.
உலக அழகியாக அறிவிக்கப்பட்ட உடன் ஆனந்த கண்ணீர் மல்க பேசிய ஸ்டெஃபானி டால், இந்த வெற்றியை என் தாய்நாட்டிற்கு சமர்ப்பிக்கிறேன் என்று கூறினார்.
Click it and Unblock the Notifications
Sign in with Google