"இம்பாசிபிள்": இயற்பியல் விதிக்குப் புறம்பான நவீன ராக்கெட் என்ஜின்.. நாசா கண்டுபிடிப்பு!

Published: Tuesday, August 5, 2014, 12:29 [IST]

Subscribe to Oneindia Tamil

நியூயார்க்: அமெரிக்காவின் நாசா விஞ்ஞானிகள், இயற்பியல் விதிகளுக்குப் புறம்பான முறையில் இயங்கும் ஒரு அதி நவீன ராக்கெட் என்ஜினை வடிவமைத்துள்ளனர்.

சூரிய சக்தியின் மூலமாக இயங்கக் கூடிய இந்தப் புதிய வகை ராக்கெட் என்ஜினை செயல்படுத்த நாசா அனுமதியும் அளித்துள்ளது.

இயற்பியல் விதிகளுக்கு எதிராக சூரிய சக்தியின் மூலம் உண்டாக்கப்படும் மைக்ரோவேவ் அலைகளைக் கொண்டு இந்த ராக்கெட் என்ஜின் இயங்கும் என்பது குறிப்பிடத்தக்கது.

இயற்பியல் விதி:

ஒரு பொருளானது உந்து சக்தியால் மட்டுமே, முன்னோக்கி நகர முடியும் என்பது அடிப்படை இயற்பியல் விதியாகும். ஆனால் அதற்கு நேர் மாறாக இந்த புதிய ராக்கெட் என்ஜினின் செயல்பாடு உள்ளது.

இம்பாசிபிள் என்ஜின்:

"இம்பாசிபிள்" என்று இந்த புதிய வகை ராக்கெட் என்ஜின் தொழில்நுட்பத்திற்குப் பெயரிட்டுள்ளது நாசா. அதன் சோதனை ஓட்டத்தையும் வெற்றிகரமாக நடத்தி முடித்துள்ளது.

புதிய கண்டுபிடிப்பு:

நாசாவின் இந்தப் புதிய கண்டுபிடிப்பு அறிவியல் உலகில் அதிர்ச்சி அலைகளை ஏற்படுத்தியுள்ளது. விண்வெளிப் பயணங்களில் இந்த புதிய கண்டுபிடிப்பு பெரும் மாற்றத்தை ஏற்படுத்தும் என்று எதிர்பார்க்கப்படுகிறது.

சாத்தியப்பட்ட தொழில்நுட்பம்:

புரப்பல்லன்ட் இல்லாமலேயே திரஸ்ட் மூலம் சக்தியை உருவாக்கி அதைக் கொண்டு என்ஜின் இயங்குவது போல இந்த தொழில்நுட்பத்தை வடிவமைத்துள்ளனர் நாசா விஞ்ஞானிகள். இது நிச்சயம் சாத்தியமில்லாத ஒன்றுதான். ஆனால் அதை சாதித்துள்ளது நாசா தொழில்நுட்பம்.

எரிபொருள் தேவை இல்லை:

வழக்கமாக தற்போது வி்ண்வெளிக் கலங்களில் பெருமளவில் எரிபொருள் எடுத்துச் செல்லப்படுகிறது. ஆனால் தற்போதைய கண்டுபிடிப்பில் இவ்வளவு எரிபொருள் தேவையில்லை. கிட்டத்தட்ட எரிபொருளே தேவையில்லை என்ற நிலையை உருவாக்கியுள்ளனர். அதேசமயம், புதிய கண்டுபிடிப்பை அமல்படுத்த பெரும் பொருட் செலவு ஏற்படுகிறது.

கானே டிரைவ்:

புதிய தொழில்நுட்பம் இப்படித்தான் செயல்படுகிறது. அதாவது கானே டிரைவ் என்று பெயரிடப்பட்டுள்ள என்ஜின்தான் இதன் முக்கிய அம்சமாகும். இதில் மின் காந்த சக்தி மூலம் மைக்ரோவேவ் அலைகள் உருவாக்கப்படுகின்றன.