’ஸ்டார் வார்ஸ்’ திரைப்படத்தை விண்வெளியில் இருக்கும் வீரர்களுக்கு காட்ட ஏற்பாடு : நாசா அறிவிப்பு

ஸ்டார் வார்ஸ் திரைப்படத்தை விண்வெளியில் இருக்கும் வீரர்களுக்கு ஒளிபரப்ப நாசா ஏற்பாடு செய்துள்ளது .

நியூயார்க் : மிகுந்த எதிர்பார்ப்புகளுக்கிடையே வெளியாகி இருக்கும் 'ஸ்டார் வார்ஸ்' திரைப்படத்தை விண்வெளியில் தங்கி ஆராய்ச்சி செய்து வரும் ஆராய்ச்சியாளர்களுக்கு ஒளிபரப்ப நாசா திட்டமிட்டு உள்ளது.

மிகுந்த பொருட்செலவில் உருவாக்கப்பட்டு உள்ள 'ஸ்டார் வார்ஸ்' திரைப்படம் சமீபத்தில் வெளியாகி உள்ளது. இதுவரை வெளியான ஸ்டார் வார்ஸ் திரைப்படங்களிலேயே மிகுந்த எதிர்பார்ப்பை இந்த திரைப்படம் உலகம் முழுவதும் ஏற்படுத்தி உள்ளது.

இந்தப் படத்தை விண்வெளியில் இருக்கும் வீரர்களுக்காக சிறப்பாக திரையிட நாசா அதிகாரிகள் முடிவு செய்துள்ளனர் இதுகுறித்து பத்திரிகையாளர்களைச் சந்தித்த நாசாவின் மக்கள் தொடர்பு அதிகாரி டேன் ஹூட், விரைவில் விண்வெளியில் இருக்கும் வீரர்களுக்கு இந்த திரைப்படம் திரையிடப்படும். அதற்காக வேலைகளில் இங்கிருக்கும் அதிகாரிகள் இறங்கி உள்ளனர் என்று தெரிவித்தார்.

மேலும், இன்னும் சில தொழில்நுட்ப காரணங்களால், அவர்களுக்கு எப்போது திரையிடப்படுகிறது என்பது குறித்து தெளிவான நேரத்தை சொல்ல முடியவில்லை. ஆனால், விரைவில் டிஜிட்டல் தொழில்நுட்பத்தின் மூலம் திரையிடுவதற்கான ஏற்பாடுகள் நடந்துவருவதாகவும் அவர் தெரிவித்து உள்ளார்.

English summary

NASA planned to Show Star Wars Movie for Astronauts on Space Station. Soon the Movie wil be on Aired specially who are all in International Space Station by Digital File Technology .