வீணாகும் உணவுப் பொருட்கள்... தினமும் 87 கோடி உலக மக்கள் பட்டினி: ஆய்வில் தகவல்
லண்டன்: ஆண்டுதோரும் மூன்றில் ஒரு பங்கு உணவு வீணாவதால், உலகில் தினமும் 87 கோடி மக்கள் பட்டினியால் அவதிப்படுவதாக ஐ.நா.சபையின் உணவு மற்றும் விவசாய நிறுவனம் சார்பில் நடத்தப்பட்ட ஆய்வில் தெரிய வந்துள்ளது.
உணவுப் பொருட்களை வீணாக்காதீர்கள், தேவையான அளவு மட்டுமே சாப்பிடுங்கள் என எவ்வளவோ பிரச்சாரங்கள் மேற்கொள்ளப் படுகின்ற போதும், தயாரிக்கப்படுகின்ற உணவில் மூன்றில் ஒரு பங்கு வீணாவதாக இந்த ஆய்வின் மூலம் தெரிய வந்துள்ளது.
அப்படி வீணாகின்ற உணவின் காரணமாக, தினமும் 87 கோடி உலகமக்கள் பட்டினியால் அவதிப்படுவதாக பரபரப்புத் தகவலை வெளியிட்டுள்ளது இந்த நிறுவனம்.
பெரும்பான்மையான உணவுகள் வீண்....
ஐ.நா.சபையின் உணவு மற்றும் விவசாய நிறுவனம் சார்பில் சர்வதேச அளவில் ஆய்வு ஒன்று நடத்தப்பட்டது. அதில் உலக அளவில் உற்பத்தியாகும் உணவு பொருட்களில் பெரும்பான்மையான அளவு வீணாக்கப்படுவது தெரிய வந்தது.
130 டன் உணவுப் பொருட்கள்....
அந்த ஆய்வின்படி, வருடந்தோறும் சுமார் 130 கோடி டன் உணவு பொருட்கள் வீணடிக்கப்படுகிறதாம்.
87 கோடி பேர்....
உணவுப் பொருள் வீணாக்கப்படுவதன் எதிரொலியாக, நாள் ஒன்றுக்கு 87 கோடி பேர் உணவு இன்றி பட்டினி கிடப்பது தெரிய வந்துள்ளது.
ரூ 55 கோடி மதிப்பிலான....
வீணாக்கப் படும் உணவுப் பொருட்களின் மதிப்பு கிட்டத்தட்ட ரூ.55 ஆயிரம் கோடி மதிப்பைத் தாண்டுகிறதாம்.
கடல் உணவுகள் இல்லை....
இந்த ஆய்வில், வீணாக்கப் படும் உணவுப் பொருட்கள் வரிசையில் மீன்கள் உள்ளிட்ட கடல் உணவு பொருட்கள் சேர்க்கப் படவில்லை என்பது குறிப்பிடத்தக்கது.
குப்பையில் கொட்டப்படுகின்றன....
உலகம் முழுவதும் 28 சதவீத உணவு பொருட்கள் விவசாயத்தின் மூலம் விளைவிக்கப் பட்ட போதும், அவை வளர்ந்த நாடுகளில் பெருமளவில் வாங்கப்பட்டு சாப்பிடாமல் குப்பையில் கொட்டப்படுகின்றன என்ற அதிர்ச்சித் தகவல் ஆய்வில் தெரிய வந்துள்ளது.
போதிய வசதி இல்லை....
அதிகமாக விளையும் உணவு தானியங்கள், பழங்கள் மற்றும் காய்கறிகளை பாதுகாப்பாக வைக்கும் அளவிற்கு, குளிர்சாதன சேமிப்பு கிடங்கு வசதிகள் இல்லாததும் உணவுப் பொருட்கள் வீணாவதற்கு முக்கிய காரணமாக கண்டறியப் பட்டுள்ளது.
நேர்மாறாக....
ஆசிய மற்றும் ஐரோப்பிய நாடுகளில் உணவைப் பாதுகாக்க போதிய வசதி இல்லாமல் வீணாவதும், அதற்கு நேர்மாறாக சீனா மற்றும் அமெரிக்கா போன்ற நாடுகளில் வாங்கிய உணவு பயன்படுத்தப்படாமல் வீணடிக்கப்படுவதும் அறிக்கையின் மூலம் தெரிய வந்துள்ளது.
Click it and Unblock the Notifications
Sign in with Google