"ஜாக்கி" மகளா இது?.. எவ்ளோ வேகமாக காலம் ஓடுது பாருங்க!

Published: Wednesday, July 8, 2015, 9:38 [IST]

Subscribe to Oneindia Tamil

லாஸ் ஏஞ்சலெஸ்: காலம் எவ்வளவு வேகமாக ஓடுகிறது பாருங்கள். மைக்கேல் ஜாக்சன் மறைந்தபோது சின்னப் பெண்ணாக இருந்த அவரது மகள் பாரிஸ் ஜாக்சன் இப்போது வளர்ந்து உயர்ந்து நிற்கிறார்... காதலன் புடை சூழ.

17 வயதாகும் பாரிஸ், ஜாக்சனின் மூத்த மகள். ஜாக்சன் மறைந்தபோது கண் நிறைய சோகத்துடன் காணப்பட்ட பாரிஸ் இப்போது இல்லை. மாறாக டீன் ஏஜ் பெண்களுக்கே உரிய உற்சாகத்துடன், எனர்ஜெட்டிக்கான பெண்ணாக வலம் வருகிறார்.

கால்பந்து வீரரான செஸ்டர் காஸ்டெல்லாவை காதலித்தும் வருகிறார். லாஸ் ஏஞ்சலெஸில் உள்ள ரியல் சோ கால் கால்பந்து கிளப்பி்ல் விளையாடி வருகிறார் செஸ்டர்.

எனக்கு நீ.. உனக்கு நான்

இருவரும் இணை புரியாமல் இருக்கின்றனர். ஒருவருக்கு ஒருவர் அவரவர் துறையில் உறுதுணையாக இருக்கின்றனர். இருவரும் இணைந்து வளர்கின்றனர்.

மகிழ்ச்சியில் குடும்பம்

சின்னப் பெண்ணாகப் பார்த்த பாரிஸ் இப்போது வளர்ந்து வாலிபப் பெண்ணாக கலக்கி வருவதை ஜாக்சன் குடும்பத்தினரும் கூட சந்தோஷத்துடன் பார்த்து மகிழ்கின்றனர்.

காதலருடன் முதல் அவுட்டிங்

தனது காதலரை முதல் முறையாக வெளியுலகுக்கு பாரிஸ் அறிமுகப்படுத்தியது கடந்த மே மாதத்தில்தான். பெவர்லி ஹில்ஸில் காதலருடன் அவர் வந்தபோது உலகமே ஆச்சரியத்துடன் ஜாக்கியின் மகளைப் பார்த்தது.

தற்கொலைக்கு முயன்றவர்

தனது தந்தையின் மறைவால் அதிகம் பாதிக்கப்பட்டவர் பாரிஸ். 2013ம் ஆண்டு அவர் தற்கொலைக்கும் கூட முயன்றார். பின்னர் உடா வில் உள்ள மறு வாழ்வு மையத்தில் சேர்ந்து தெரப்பி எடுத்துக் கொண்டார்.

மாற்றிப் போட்ட காதல்

அதன் பின்னர் புத்துணர்ச்சியுடன் தனது வாழ்க்கையைத் தொடங்கிய அவரை காதல் மாற்றிப் போட்டது. மிகவும் பக்குவமான பெண்ணாக அவரை மாற்றியுள்ளது செஸ்டருடனான காதல்.