பயணிகளை காக்க முயன்று தோற்ற ஜெர்மன்விங்ஸ் 'ஹீரோ' இவர் தான்!

டுசல்டார்ப்: விபத்துக்குள்ளான ஜெர்மன்விங்ஸ் விமானத்தின் கேப்டன் பேட்ரிக் சோந்தெய்மரின் புகைப்படம் முதன்முதலாக வெளியிடப்பட்டுள்ளது.

ஸ்பெயினின் பார்சிலோனா நகரில் இருந்து ஜெர்மனியில் உள்ள டுசல்டார்ப் நகருக்கு சென்ற ஜெர்மன்விங்ஸ் விமானத்தை அதன் துணை விமானி ஆன்ட்ரியஸ் லுபிட்ஸ்(28) வேண்டும் என்றே பிரான்சில் உள்ள ஆல்ப்ஸ் மலை மீது மோதி விபத்துக்குள்ளாக்கினார். இதில் விமானத்தில் இருந்த லுபிட்ஸ் உள்பட 150 பேர் பலியாகினர்.

விபத்தில் பலியானவர்களுக்கு ஜெர்மன்விங்ஸ் நிறுவனத்தின் தலைமை அலுவலகத்தில் அஞ்சலி நிகழ்ச்சிக்கு ஏற்பாடு செய்யப்பட்டது.

கேப்டன்

அஞ்சலி நிகழ்ச்சியில் விமான சிப்பந்திகளின் புகைப்படங்கள் வைக்கப்பட்டிருந்தது. அப்போது தான் விமானத்தின் கேப்டன் பேட்ரிக் சோந்தெய்மரின் புகைப்படம் முதன்முதலாக வெளியிடப்பட்டது.

விமானி அறை

கழிவறைக்கு செல்வதற்காக பேட்ரிக் விமானி அறையில் இருந்து வெளியே சென்றார். அந்த நேரத்தில் விமானி அறைக் கதவை பூட்டிக் கொண்ட லுபிட்ஸ் விமானத்தை தரையை நோக்கி செலுத்தி மலை மீது மோதினார்.

பேட்ரிக்

லுபிட்ஸ் விமானி அறைக் கதவை பூட்டிய பிறகு அதை திறக்கக் கோரி பேட்ரிக் பலமுறை கதவை தட்டினார், இன்டர்காம் மூலம் தொடர்பு கொண்டார், ஏன் கோடாரியால் கூட கதவை உடைக்க முயன்று தோற்றார்.

ஹீரோ

பேட்ரிக்கின் தாய் அவருக்கு அஞ்சலி செலுத்திவிட்டு தனது மகன் ஒரு ஹீரோ என்று தெரிவித்தார். எங்கள் வாழ்வில் இருந்த ஒளி மறைந்துவிட்டது என்று அவர் மேலும் தெரிவித்தார்.

குழந்தைகள்

6 வயது மகள், 3 வயது மகனின் தந்தையான பேட்ரிக் தனது குடும்பத்துடன் அதிக நேரம் செலவிட அண்மையில் தான் நெந்தூரம் செல்லும் விமானங்களில் இருந்து சிறுது தூரம் செல்லும் விமானங்களுக்கு மாறியுள்ளார்.

இடியட்

பேட்ரிக்கின் பாட்டி மரியான் சோந்தெய்மர் கூறுகையில், என் பேரன் இறந்துவிட்டான். ஒரு இடியட் விமானத்தை விபத்துக்குள்ளாக்கி பலரை கொன்றுவிட்டான் என்று கூறினார்.

English summary

Photograph of the crashed Germanwings captain Patrick has been released for the first time.