12-ம் நூற்றாண்டைச் சேர்ந்த வங்கதேசத்து தாகேஷ்வரி கோவிலில் மோடி வழிபாடு

டாக்கா: டாக்காவில் உள்ள 12ம் நூற்றாண்டைச் சேர்ந்த தாகேஷ்வரி கோவிலில் பிரதமர் மோடி வழிபாடு நடத்தினார்.

இரண்டு நாள் அரசு முறைப் பயணமாக வங்கதேசம் சென்றுள்ளார் பிரதமர் மோடி.

இந்நிலையில், இன்று காலை தலைநகர் டாக்காவின் லால்பாக் பகுதியில் உள்ள 12ம் நூற்றாண்டைச் சேர்ந்த புகழ் பெற்ற தாகேஷ்வரி ஆலயத்திற்கு சென்ற மோடி, அங்கு பூஜை செய்து வழிபாடு நடத்தினார்.

கோயில் நிர்வாகத்தின் சார்பில் மோடிக்கு தாகேஷ்வரி சிலை ஒன்று பரிசாக வழங்கப்பட்டது.

An early morning temple visit. PM @narendramodi worships at the Sree Sree Dhakeshwari Temple in Dhaka. pic.twitter.com/woYAOHeenq

— Vikas Swarup (@MEAIndia) June 7, 2015

பிரதமரின் இந்த வழிபாடு குறித்து வெளியுறவுத்துறை செய்தித்தொடர்பாளர் விகாஸ் ஸ்வரூப் ட்விட்டரில் புகைப்படத்துடன் செய்தி வெளியிட்டுள்ளார்.

தாகேஷ்வரி கோவிலைத் தொடர்ந்து அருகில் உள்ள ராமகிருஷ்ண மடத்திற்குச் சென்ற மோடிக்கு அங்குள்ள துறவிகள் தங்கள் வாழ்த்துக்களை தெரிவித்து ஆசி வழங்கினர்.

English summary

Prime Minister Narendra Modi today offered prayers at the famous 12th century Dhakeshwari national temple, the most revered place for Hindu community in Bangladesh.