கலிபோர்னியா ஜோடியின் திருமணத்தன்று இன்ப அதிர்ச்சி அளித்த ஒபாமா

சான் பிரான்சிஸ்கோ: அமெரிக்க அதிபர் பாரக் ஒபாமா அழையா விருந்தாளியாக ஒரு திருமண நிகழ்ச்சிக்கு சென்று அனைவருக்கும் இன்ப அதிர்ச்சி அளித்துள்ளார்.

அமெரிக்க அதிபர் பாரக் ஒபாமா கலிபோர்னியா மாநிலத்திற்கு சென்றார். அங்கு உள்ள லா ஜோல்லாவில் இருக்கும் டோரி பைன்ஸ் கோல்ப் கோர்ஸில் கோல்ப் ஆடச் சென்றார். அப்போது அங்கு பிரையன், ஸ்டெபனி ஆகியோருக்கு திருமண ஏற்பாடுகள் நடந்து கொண்டிருந்தது.

ஒபாமா கோல்ப் ஆடிக் கொண்டிருக்கிறார் அதனால் ஒன்று நீங்கள் உடனே மோதிரம் மாற்றிக் கொள்ளுங்கள் அல்லது அவர் விளையாடிவிட்டு செல்லும் வரை காத்திருங்கள் என அதிகாரிகள் பிரையன், ஸ்டெபனியிடம் தெரிவித்துள்ளனர்.

இதையடுத்து அந்த தம்பதி ஒபாமா விளையாடிவிட்டு செல்லும் வரை காத்திருக்க முடிவு செய்தனர். அப்படியே அவர்கள் ஒபாமா விளையாடுவதையும் பார்க்க நினைத்தனர். நீங்கள் அவர் அருகே சென்றால் அவர் நிச்சயம் உங்களுடன் புகைப்படம் எடுத்துக் கொள்வார் என ஸ்டெபனி, பிரையனிடம் அவர்களின் புகைப்படக் கலைஞர் எரின் தெரிவித்தார்.

உடனே ஸ்டெபனி ஒபாமா இருக்கும் பகுதிக்கு செல்ல அவரும் சிரித்தபடியே அந்த ஜோடியுடன் புகைப்படத்திற்கு போஸ் கொடுத்தார். முன்னதாக கடந்த ஆண்டு ஹவாயில் ஒபாமா கோல்ப் விளையாட ஏதுவாக ஒரு ஜோடியின் திருமண நிகழ்ச்சி நடக்கவிருந்த இடத்தையே மாற்ற வைத்தனர் என்பது குறிப்பிடத்தக்கது.

English summary

Stephanie and Brian Tobe's golf course wedding had an unexpected guest: Barack Obama. While visiting California, President Obama enjoyed a round of golf at Torrey Pines Golf Course in La Jolla, where Stephanie and Brian were about to tie the knot on Tuesday.