சிறையில் கழிவறை மூலம் தப்ப நினைத்து கோப்பைக்குள் சிக்கிய கைதி... வைரல் வீடியோ!

Published: Friday, January 8, 2016, 16:00 [IST]

Subscribe to Oneindia Tamil

பிரேசில்லா: பிரேசில் நாட்டில் சிறையிலிருந்து தப்ப நினைத்து கழிவறைக்குள் சிக்கிக் கொண்ட கைதியை மீட்கும் வீடியோ இணையத்தில் வைரலாகப் பரவி வருகிறது.

சிறைக்குள் இருந்து கைதிகள் விதவிதமான முறைகளில் தப்பிக்க முயற்சிப்பதை நாம் சினிமாக்களில் பார்த்திருப்போம், நிஜத்திலும் கதைகளாகக் கேட்டிருப்போம். ஆனால், அவர்களில் இருந்து வித்தியாசமாக சிந்தித்து சிறையில் இருந்து தப்பிக்க முயற்சித்துள்ளார் பிரேசில் கைதி ஒருவர்.

ஆனால், கடைசியில் உடம்பெல்லாம் மனிதக் கழிவுகள் அப்பிய நிலையில் அவர் மீட்கப்பட்டுள்ளார். அதுவும் சாதாரணமாக அல்ல போராடி.

பிரேசில் சிறையில்...

இந்தச் சம்பவம் பிரேசிலில் நடந்துள்ளது. ஆனால், எந்தச் சிறை என்பது குறித்த தெளிவான தகவல்கள் இல்லை. யாரால் எப்படி இந்தக் காட்சிகள் பதிவு செய்யப்பட்டது என்பது குறித்தும் விபரம் இல்லை.

கழிப்பறை வழியாக...

சிறையில் இருந்து தப்பிக்க முடிவு செய்த கைதி ஒருவர், கழிப்பறை மூலம் வெளியேற முயற்சித்துள்ளார். ஆனால், எதிர்பாராத விதமாக இடையில் அவர் சிக்கிக் கொண்டார்.

மீட்பு...

அவரது நல்ல நேரம் விரைந்து வந்த மற்ற கைதிகள் அவரது காலைப் பிடித்து வெளியே இழுத்துக் காப்பாற்றியுள்ளனர். இந்தக் காட்சிகள் வீடியோவாகப் பதிவு செய்யப்பட்டுள்ளது.

அய்யே... பாவம்

கழிப்பறை மூலம் தப்பிக்க முயன்றதால் அவரது உடல் முழுவதும் மனிதக் கழிவுகள் அப்பிக் கொண்டன. இதில் திட்டம் நிறைவேறாமல் பரிதாபமாக அவர் நிற்கும் காட்சிகளும் இந்த வீடியோவில் உள்ளது.