சீனாவில் 6 வயது சிறுவனுக்கு சிறுநீரக ஆபரேஷன் செய்த ரோபோ

பெய்ஜிங்: சீனாவின் குவாங்டாங் மாகாணத்தில் ரோபோ ஒன்று 6 வயது சிறுவனுக்கு வெற்றிகரமாக சிறுநீரக அறுவை சிகிச்சை செய்துள்ளது.

சீனாவின் குவாங்டாங் மாகாணத்தில் அறுவை சிகிச்சை செய்ய ரோபோ ஒன்றை செய்துள்ளனர். இந்நிலையில் அந்த ரோபோ கடந்த 16ம் தேதி குவாங்சூ நகரில் உள்ள சன் யாட் சென் பல்கலைக்கழக மருத்துவமனையில் அனுமதிக்கப்பட்ட 6 வயது சிறுவனுக்கு சிறுநீரக அறுவை சிகிச்சை செய்துள்ளது.

அந்த அறுவை சிகிச்சை 2 மணிநேரம் 20 நிமிடங்கள் நடைபெற்றது. குவாங்டாங் மாகாணத்தில் ரோபோ ஒன்று அறுவை சிறுவனுக்கு அறுவை சிகிச்சை செய்துள்ளது இதுவே முதல் முறையாகும்.

ரோபோ செய்த அறுவை சிகிச்சை வெற்றிகரமாக நடந்துள்ளது. மருத்துவரின் கண்காணிப்பில் தான் ரோபோ அறுவை சிகிச்சை செய்தது.

சிறுவனுக்கு சிறுநீர் வெளியேறாமல் சிறுநீரகம் வீங்கியதை அடுத்து அவர் மருத்துவமனையில் அனுமதிக்கப்பட்டார் என்பது குறிப்பிடத்தக்கது.

English summary

A surgical robot in China's Guangdong province successfully carried out a kidney surgery on a six-year-old boy, a media report said on Friday.