ஏஜென்டுக்கு கிரேக்க தீவை திருமணப் பரிசாக அளிக்கும் ரொனால்டோ

லிஸ்பன்: தன்னிடம் ஏஜென்டாக நீண்ட காலமாக பணியாற்றி வரும் ஜார்ஜ் மெண்டஸின் திருமணத்தையொட்டி அவருக்காக கிரீஸ் தீவு ஒன்றை விலைக்கு வாங்கிப் பரிசாக அளிக்கிறார் போர்ச்சுகல் கால்பந்து ஸ்டார் கிறிஸ்டியானோ ரொனால்டோ.

போர்ச்சுகல் அணியின் சூப்பர் ஸ்டாராக, கேப்டனாக இருப்பவர் ரொனால்டோ. இவரது கால்பந்து ஏஜென்ட் ஜார்ஜ் மெண்டஸ். ரொனால்டோ விளையாட வந்தது முதல் கூடவே இருக்கிறார்.

ஏஜென்டாக மட்டுமல்லாமல், ரொனால்டோவின் நல்ல நண்பராகவும் இருக்கிறார் மெண்டஸ். இந்த நிலையில் மெண்டஸ் விரைவில் திருமணம் செய்யவுள்ளார். அவருக்கு என்ன பரிசாக கொடுக்கலாம் என்று யோசித்த ரொனால்டோ தற்போது அருமையான பரிசை வாங்கி மெண்டஸுக்கு அளிக்கவுள்ளார்.

கிரீஸ் நாட்டுக்குச் சொந்தமாக ஏகப்பட்ட தீவுகள் உள்ளன. அந்த நாட்டில் பொருளாதாரம் சீர்குலைந்துள்ளதைத் தொடர்ந்து தீவுகளை விற்று வருகின்றனர். ரொனால்டோவும் ஒரு தீவை விலைக்கு வாங்கவுள்ளார். வாங்கி, அதை தனது ஏஜென்டுக்கு திருமணப் பரிசாக அளிக்கவுள்ளார்.

ரொனால்டோவின் இந்த தாராள மனசை பலரும் பாராட்டி வருகின்றனர். மெண்டஸோ பேச வாய் இல்லாமல் நெகிழ்ந்து போயிருக்கிறார்.

English summary

Portugal soccer star Cristiano Ronaldo has decided to buy an island and gift it to his long time agent and friend Jorge Mendes as a wedding gift.