மருத்துவ உலகின் புரட்சி: ‘எந்திரன்’ ஸ்டைலில் மூளை இல்லாமல் பூமிக்கு வந்த புதிய மனிதன் ‘ரெக்ஸ்’

வாஷிங்டன்: எந்திரன் படத்தில் ‘சிட்டி'யை அறிமுகப் படுத்தி, விஞ்ஞானி ரஜினி வசீகரன் பேசும் போது, இப்படியெல்லாம் நடப்பது சாத்தியமா என்ற ஆச்சர்யம் தோன்றியிருக்கும். ஆனால், தற்போது அதனை மெய்யாக்கி இருக்கிறார்கள் விஞ்ஞானிகள்.

மருத்துவ உலகின் புரட்சியாக மனித உடலில் பாதிக்கப் பட்ட பாகங்கள் பலவற்றிற்கு செயற்கையான முறையில் கருவிகள் வைத்து இயக்கப் படுகின்றன. அத்தகைய செயற்கை உடற்கருவிகள் அனைத்தையும் ஒருங்கிணைத்து ஓர் உருவம் தந்தால் எப்படி இருக்கும் என்ற விஞ்ஞானிகளின் கற்பனைக்கு கிடைத்த வடிவம் தான் ‘ரெக்ஸ்'.

புதிய மனிதன் ‘ரெக்ஸ்’....

அமெரிக்காவில் உள்ள வாஷிங்டனில் உள்ள தேசிய அருங்காட்சியகத்தில் காட்சிக்கு வைக்கப் பட்டுள்ள, செயற்கை உடல் உறுப்புகளால் ஆன மனிதனுக்கு விஞ்ஞானிகள் வைத்த பெயர் தான் ‘ரெக்ஸ்'.

ஆறடி மனிதன்...

மூன்று மாத கால அவகாசத்தில் 17 நிறுவனங்கள் வழங்கிய உடல் உறுப்புகளைப் பொருத்தி உருவாக்கப் பட்ட ரெக்ஸ் ஆறடி உயரம்.

பெர்டாய்ட் மியேர்...

எந்திரனில் சிட்டியின் முக அமைப்பு, விஞ்ஞானி வசீகரனை ஒத்திருப்பது போல, ‘ரெக்ஸ்'ன் முக அமைப்பு சூரிச் பல்கலைக் கழக உளவியலாளர் பெர்டாய்ட் மியேரை பிரதிபலிப்பதாக அமைந்துள்ளது.

செயற்கை உறுப்புகள்....

பாதிக்கப் பட்ட நோயாளிக்கு பொருத்தப் படும் உடல் பாக அமைப்பைப் போன்றே நுரையீரல், சிறுநீரகம், மண்ணீரல், கணையம் போன்றவை செயற்கையாக ரோபோடிக் இயந்திர முறையில் ரெக்ஸுக்கு பொருத்தப் பட்டுள்ளது.

செயற்கை ரத்தம்...

செயற்கை இதயம் மூலம் செயற்கை ரத்தம் உடல் முழுவதும் எல்லா பாகங்களுக்கும் சென்று வருவதற்கு வசதியாக ‘பம்பிங்' செய்யப் அடுவது இதன் சிறப்பம்சம்.

செயற்கைக் கண்கள்...

செயற்கைக் கண்கள் செயல்பட விழித்திரையில் ‘மைக்ரோசிப்'புடன் இணைந்த கேமரா, அணிந்திருக்கும் கண்ணாடி வழியே காட்சிகளைப் படம் பிடித்து அனுப்புகிறது.

டயாலிசிஸ்...

சிறுநீரகம் இயக்குவதற்காக ‘டயாலிசிஸ்' சுத்திகரிப்புச் சாதனம் பொருத்தப்பட்டுள்ளது. இது மற்ற உறுப்புகளைக் காட்டிலும் சிறப்பாகச் செயல்படுகிறது என்பது தான் முக்கிய விஷயம்.

மனிதனைப் போலவே....

கைகளின் இயக்கம் கிட்டத்தட்ட சராசரி மனிதனின் அசைவைப் போலவே இருக்கிறது எனச் சொல்லி வியக்கிறார்கள் ரெக்ஸ்-ஐ பார்த்து செல்லும் பொதுமக்கள்.

உடல் இயக்க செயல்பாடுகள்....

அதேபோல் ரெக்ஸின் உடல் இயக்க செயல்பாடுகளும் ஏறக்குறைய 60-70 சதவீதம் மனிதனைப் போலவே அமைந்துள்ளதாம்.

மூளை இல்லை....

ஆயினும், செரிமான அமைப்பு, கல்லீரல், தோல் போன்ற பாகங்கள் இல்லை. அதேபோல், மிக முக்கியமாக உணர்வுகளைத் தூண்டி செயல் பட வைக்கும் மூளையும் இல்லாதது தான் சராசரி மனிதர்களிலிருந்து ரெக்ஸை வித்தியாசப் படுத்துகிறது.

English summary

For years it existed only in the wildest realms of science fiction. But now a team of leading roboticists have created a real bionic man - complete with artificial organs, synthetic blood and robot limbs goes. The astonishing creation incorporates some of the latest advances in prosthetic technology, as well as an artificial pancreas, kidney, spleen and trachea, and a functional blood circulatory system.