எச்.ஐ.வி பாதித்தும் பயமில்லை – 43 உலக சாதனைகள் புரிந்த சாதனை மனிதர்

ஜோகனஸ்பர்க்: தென் ஆப்ரிக்காவில் எச்.ஐ.வி பாதித்த ஒருவர் பல்வேறு உலக சாதனைகளைப் படைத்து சாதனை புரிந்துள்ளார்.

ஆண்ட்ரேவேன் ஸிஜில் என்பவர்தான் அந்த சாதனையாளர். 54 வயது நபர்.

இதுவரையில் தன்னுடைய மனம் தளராத முயற்சியால் கிட்டதட்ட 43 பேரின் சாதனைகளை முறியடித்து சாதனை புரிந்துள்ளார்.

எச்.ஐ.வி பாதிப்பு:

எச்.ஐ.வி பாதிப்புக்குள்ளான அவர் தற்போது மற்றொரு சாதனையை மேற்கொண்டுள்ளார்.

மீண்டும் ஒரு முயற்சி:

அதாவது ஓடாத காரில் அமர்ந்து உடற்பயிற்சி சைக்கிள் போன்ற வெறும் சக்கரத்தை மட்டும் மிதித்தபடி 6,700 கிலோ மீட்டர் தூரத்தை அதன்மூலம் கடக்கும் புதிய சாதனை முயற்சியை மேற்கொண்டுள்ளார்.

காருக்குள் சாதனை:

தென்னாப்ரிக்காவில் உள்ள டிஷ்வானே நகரில் அமைந்துள்ள பிரபல ஷாப்பிங் மால் ஒன்றில் நிற்கவைக்கப்பட்டுள்ள ஒரு காருக்குள் கடந்த மே மாதம் 23 ஆம் தேதி முதல் ஏறி அமர்ந்து வாரம் முழுவதும் பெடல் செய்து 5,731 கிலோ மீட்டர் தூரத்தினை இது வரையில் எட்டியுள்ளார்.

44 உலக சாதனை:

தன்னுடைய லட்சிய தூரத்தினைக் கடப்பதற்கு இவருக்கு இன்னும் 969 கிலோ மீட்டர் தூரமே உள்ளது. அதனையும் கடந்து விட்டால் அவர் தன்னுடைய 44 ஆவது புதிய உலக சாதனை தூரத்தினை அடைந்து விடுவார்.

நெல்சன் மண்டேலாவிற்கு அர்ப்பணம்:

அறக்கட்டளைக்கு நிதி திரட்டும் நோக்கத்துக்காக இந்த சாதனை முயற்சியில் ஈடுபட்டுள்ள இவர், வெறும் பணத்துக்காக மட்டுமன்றி இந்த சாதனையை மறைந்த தென்னாப்பிரிக்க தலைவர் நெல்சன் மண்டேலாவுக்கும் அவர் பிறந்த அதே தேதியில் பிறந்த தனது தாயாருக்கும் அர்ப்பணிக்க விரும்புவதாக தெரிவித்தார்.

அமர்ந்தபடியே 50 புத்தகம்:

மேலும், அக்காருக்குள் அமர்ந்தபடியே இதுவரையில் 50 புத்தகங்களை இவர் படித்து முடித்துவிட்டார் என்பதும் குறிப்பிடத்தக்கது.

English summary

Serial record breaker Andre van Zijl, who has broken 43 different world records of the less common variety, is at it again as he seeks to cycle 6700km on a spinning bike while sitting in a car.