மறக்காமல் இந்த செய்தியை உங்களது பேஸ்புக் பக்கத்தில் 'ஷேர்' செய்யுங்கள்.. 4 பேருக்கு உதவும்!

Published: Thursday, November 12, 2015, 16:44 [IST]

Subscribe to Oneindia Tamil

லண்டன்: பேஸ்புக் பக்கம் திரும்பிக் கூட பார்க்காதவர்கள் வாழ்க்கையில் அதிகபட்ச சந்தோஷத்தையும், திருப்தியையும் அனுபவிப்பதாக ஆய்வு ஒன்று தெரிவிக்கிறது.

பேஸ்புக்கிலேயே இருப்பவர்கள், பேஸ்புக் பக்கம் திரும்பிப் பார்க்காதவர்களை விட 39 சதவீத அளவு குறைந்த சந்தோஷத்தையும், திருப்தியையுமே வாழ்க்கையில் அனுபவிக்கிறார்களாம்.

டென்மார்க்கில் உள்ள ஹேப்பினஸ் ஆய்வுக் கழகம் என்ற அ்மைப்பு 1095 பேரிடம் நடத்திய ஆய்வுக்குப் பின்னர் இந்த முடிவை வெளியிட்டுள்ளது.

ஒரு வாரம் விரதம்

இந்த ஆய்வில் கலந்து கொண்டவர்களில் பாதிப் பேரை தனியாகப் பிரித்து ஒரு வாரத்திற்கு பேஸ்புக் பக்கமே திரும்பிப் பார்க்காதீர்கள் என்று கேட்டுக் கொள்ளப்பட்டது. மீதம் இருந்தவர்களை தொடர்ந்து பேஸ்புக்கைப் பார்க்குமாறு கேட்டுக் கொண்டனர்.

திருப்தி எப்படி

ஒரு வாரம் கழிந்த பின்னர் பேஸ்புக்கைத் தொடர்ந்து பார்த்தவர்களையும், தடுத்து வைக்கப்பட்டவர்களையும் அதற்கு முந்தைய வாரத்திலும், ஆய்வுக்குட்படுத்தப்பட்ட வாரத்திலும் வாழ்க்கை நிலை எந்த அளவுக்கு திருப்திகரமாக இருந்தது என்பதை 1 முதல் 10 வரையிலான எண்களில் மதிப்பிடச் சொன்னார்கள்.

பேஸ்புக் பக்கம் போகாதவர்கள்

அதில் பேஸ்புக் பக்கம் ஒரு வாரம் போகாதவர்களின் திருப்தி நிலையானது, பேஸ்புக்கில் இருந்தவர்களின் நிலையை விட கணிசமான அளவு அதிகமாக இருந்தது தெரிய வந்தது.

பெரிய மாற்றம் இல்லை

பேஸ்புக்கைத் தொடர்ந்து பார்க்க உத்தரவிடப்பட்டவர்களின் திருப்தி நிலையானது சோதனைக்கு முந்தைய வாரத்தில் 7.67 ஆக இருந்தது. சோதனை வாரத்தில் 7.75 ஆக இருந்தது.

செம மாற்றம்

அதேசமயம், பேஸ்புக்கை பார்க்க தடுக்கப்பட்டவர்களின் திருப்தி நிலை சோதனைக்கு முன்பு 7.56 ஆக இருந்தது. சோதனை வாரத்தில் 8.12 ஆக உயர்ந்து காணப்பட்டது.

39 சதவீதம் குறைவு

பேஸ்புக்கைப் பார்த்துக் கொண்டிருப்பவர்களின் சந்தோஷம் மற்றும் திருப்தி நிலையானது, பேஸ்புக்கைப் பார்த்தாவர்களின் நிலையை விட 39 சதவீதம் குறைந்து காணப்படுவதும் தெரிய வந்தது.

55 சதவீத அதிக பதட்டம்

மேலும் பேஸ்புக்கைப் பார்க்காதவர்களை விட பார்ப்பவர்கள் 55 சதவீதம் அதிக பதட்டம் நிறைந்தவர்களாகவும் உள்ளதும் தெரிய வந்துள்ளது. பேஸ்புக்கைப் பயன்படுத்துபவர்கள் அதை விட்டு விட்டால் மிகவும் தனிமையாகவும், கோபமாகவும் உணர்வதாகவும் ஆய்வு கூறுகிறது.