புற்றுநோயால் பாதிக்கப்பட்ட சிங்கப்பூர் பிரதமருக்கு அறுவை சிகிச்சை

சிங்கப்பூர்: சிங்கப்பூர் பிரதமர் லீ சியான் லூங்குக்கு புற்றுநோய் தொடர்பான அறுவைச் சிகிச்சை நடத்தப்பட்டுள்ளது. ஆபரேஷன் வெற்றி என்றும் அறிவிக்கப்பட்டுள்ளது.

சிங்கப்பூர் பிரதமர் லீ சியான் லூங் புராஸ்டேட் புற்றுநோயால் பாதிக்கப்பட்டு இருந்தார். அவருக்கு சிங்கப்பூர் பொது மருத்துவமனையில் நேற்று அறுவை சிகிச்சை நடந்தது.

அங்கு அவரது புற்று நோய்க்கட்டி வெற்றிகரமாக அறுவை சிகிச்சை மூலம் அகற்றப்பட்டது. அறுவை சிகிச்சை வெற்றிகரமாக நடந்ததாகவும், அவர் விரைவில் பூரணமாக குணமடைவார் என்றும் மருத்துவர்கள் கூறினர். பிரதமர் லீ சியான் லூங், மருத்துவமனையில் அனுமதிக்கப்பட்டு உள்ளதால், அவரது பணிகளை துணை பிரதமர் டியோ சீ ஹீன் கவனித்து வருகிறார்.

பிரதமர் லீ சியான் லூங் புற்றுநோயால் பாதிக்கப்பட்டு உள்ளதால், ஆளும் மக்கள் நடவடிக்கை கட்சியில் அடுத்த தலைவரை உருவாக்க வேண்டும் என்ற கருத்துகள் வலுப்பெற தொடங்கி உள்ளன. ஆனால் இதற்கு அவசரமில்லை என கட்சித் தலைவர்கள் கூறியுள்ளனர்.

63 வயதான லீ ஏற்கனவே கடந்த 1992 இல் லிம்போமா புற்றுநோயால் பாதிக்கப்பட்டது குறிப்பிடத்தக்கது.

English summary

Singapore Prime Minister Lee Hsien Loong ’s surgery to treat prostate cancer was successful, the government said Monday.