முடியாதது என்று எதுவும் இல்லை, ஏனென்றால் நாம் மனிதர்கள்.. ஸ்டீபன் ஹாக்கிங் "நச்"

லண்டன்: நமக்கு அப்பாற்பட்ட விஷயங்களை நம்மால் நிச்சயம் கண்டுபிடிக்க முடியும், புதிர்களை விடுவிக்க முடியும். ஏனென்றால் நாம் மனிதர்கள் என்று பிரபல வான்வெளி இயற்பியல் விஞ்ஞானி ஸ்டீபன் ஹாக்கிங் கூறியுள்ளார்.

புளூட்டோ கிரகத்தை ஆராய அனுப்பப்பட்ட அமெரிக்காவின் நியூ ஹாரிஸான்ஸ் விண்கலம் வெற்றிகரமாக புளூட்டோவை கடந்திருப்பதற்கு ஸ்டீபன் வாழ்த்து தெரிவித்துள்ளார். மொத்த குழுவுக்கும் அவர் பதிவு செய்யப்பட்ட வீடியோ செய்தியில் வாழ்த்தியுள்ளார்.

அந்த செய்தியில் ஹாக்கிங் கூறியிருப்பதாவது:

பூமியிலிருந்து பல ஆயிரம் கோடி மைல்களுக்கு அப்பால் உள்ள மர்மமான புளூட்டோ கிரகம் குறித்த பல புதிய தகவல்களை இந்த குட்டி ரோபோட்டிக் விண்கலம் நமக்குத் தரப் போகிறது.

சூரியக் குடும்பத்தில் மிக தொலைவில் உள்ள பனிகளால் நிரம்பிய இந்த கிரகம் குறித்த புதிய தகவல்களை அங்கிருந்தே பெறும் நிலை ஏற்பட்டிருப்பது மகிழ்ச்சிகரமானது.

நியூ ஹாரிஸான்ஸ் கொடுக்கப் போகும் தகவல்களால், சூரியக் குடும்பம் எப்படி உருவானது என்பதை அறிய நமக்கு வாய்ப்பு ஏற்படும்.

நாம் எதையும் எளிதாக கண்டுபிடிக்க முடியும், புதிர்களையும் விடுவிக்க முடியும். காரணம், நாம் மனிதர்கள். நிச்சயம் நம்மால் முடியும் என்று கூறியுள்ளார் ஸ்டீபன் ஹாக்கிங்.

English summary

Stephen Hawking, the Cambridge cosmologist, joined in congratulating the New Horizons team in a recorded message. “Billions of miles from Earth this little robotic spacecraft will show us that first glimpse of mysterious Pluto, a distant icy world on the edge of our solar system. The revelations of New Horizons may help us to understand better how our solar system was formed. We explore because we are human and we long to know,” he said.