வடமேற்கு மெக்சிகோவில் சக்திவாய்ந்த நிலநடுக்கம்: ரிக்டர் அளவுகோலில் 6.6 ஆக பதிவு

சினாலாவோ: வடமேற்கு மெக்சிகோவில் ஞாயிற்றுக்கிழமை சக்திவாய்ந்த நிலநடுக்கம் ஏற்பட்டது. இது ரிக்டர் அளவுகோலில் 6.6 ஆக பதிவாகி இருந்தது.

மெக்சிகோவின் வடமேற்கு பகுதியில் பஜா கலிபோர்னியா சுற்றுலா ரிசார்ட் பகுதி மற்றும் சினோலாவோ மாநிலத்திற்கு இடையே ஞாயிற்றுக்கிழமை அதிகாலை 3.14 மணிக்கு சக்திவாய்ந்த நிலநடுக்கம் ஏற்பட்டது. இது ரிக்டர் அளவுகோலில் 6.6 ஆக பதிவாகி இருந்தது. இந்ந நிலநடுக்கம் 10 கிலோமீட்டர் ஆழத்தில் ஏற்பட்டது. இந்த நிலநடுக்கத்தால் சுனாமி எச்சரிக்கை எதுவும் விடுக்கப்படவில்லை.

இது குறித்து அமெரிக்க புவியியல் ஆய்வு மையம் வெளியிட்டுள்ள தகவலில் கூறியிருப்பதாவது,

சினோலாவோ நகரின் தென்கிழக்கே 59 கிலோ மீட்டர் தொலைவில் 10 கிலோமீட்டர் ஆழத்தில் சக்தி வாய்ந்த நிலநடுக்கம் ஏற்பட்டது. இது ரிக்டர் அளவுகோலில் 6.6 ஆக பதிவாகி இருந்தது.

இந்த நிலநடுக்கம் ஏற்பட 35 நிமிடங்களுக்கு முன்பாக 5.2, 4.9 மற்றும் 5.3 ஆகிய அளவுகளில் நிலஅதிர்வு ஏற்பட்டது என்று அதில் தெரிவிக்கப்பட்டுள்ளது.

சுற்றுலாப் பயணிகள் வரும் ரிசார்ட்டுகளுக்கு பெயர் போனது பஜா கலிபோர்னியா பகுதி. அந்த பகுதிக்கு அமெரிக்கா மற்றும் பிற நாடுகளில் இருந்து சுற்றுலாப் பயணிகள் வருவது வழக்கம்.

English summary

Strong quake measuring 6.6 in the Richter scale hit offshore in northwestern Mexico early on Sunday between the Baja California tourist resort region and Sinaloa state.