எங்க மூலம் விமான டிக்கெட் எடுங்க, யாராவது சைப்ரஸுக்கு கடத்தலாம்: டிராவல் கம்பெனி விளம்பரம்

கெய்ரோ: எகிப்துஏர் நிறுவன விமானம் கடத்தப்பட்டதை பயன்படுத்தி எகிப்தை சேர்ந்த டிராவல் நிறுவனம் விளம்பரம் தேடி மக்களிடம் திட்டு வாங்கியுள்ளது.

எகிப்தை சேர்ந்த டிராவல் நிறுவனம் லயன்ஸ் ட்ரிப்ஸ். எகிப்து பயணிகள் விமானத்தை சயிப் எல் தின் முஸ்தபா சைப்ரஸுக்கு கடத்திச் சென்ற வேகத்தில் லயன்ஸ் ட்ரிப்ஸ் தனது ஃபேஸ்புக் பக்கத்தில் ஒரு விளம்பரத்தை வெளியிட்டது.

அந்த விளம்பரத்தில் கூறியிருப்பதாவது,

எங்கள் நிறுவனம் மூலமாக ஹர்கடாவுக்கு விமான டிக்கெட்டை முன்பதிவு செய்யுங்கள்...கடத்தல்காரர் யாராவது உங்களை சைப்ரஸுக்கு அழைத்துச் செல்லக்கூடும். இல்லை என்றால் பிரான்ஸ் அல்லது இத்தாலிக்கு கூட அழைத்துச் செல்லக்கூடும் என்று அரபு மொழியில் தெரிவிக்கப்பட்டுள்ளது.

லயன்ஸ் ட்ரிப்ஸின் இந்த போஸ்ட்டை பார்த்த மக்கள் கோபம் அடைந்து அதை கடுமையாக விமர்சித்துள்ளனர். இது இதயமே இல்லாத விளம்பரம் என்று பலரும் தெரிவித்துள்ளனர்.

English summary

An Egpyt travel company used EgyptAir flight hijack incident to promote one of its tours.