பூஜை, கொலுக்கட்டை, விருந்து: லாஸ் ஏஞ்சல்ஸில் விநாயகர் சதுர்த்தி கொண்டாடிய இந்திய மாணவர்கள்

லாஸ் ஏஞ்சல்ஸ்: லாஸ் ஏஞ்சல்ஸில் கலிபோர்னியா பல்கலைக்கழகத்தில் படிக்கும் இந்திய மாணவ, மாணவியர் நடத்திய விநாயகர் சதுர்த்தி விழாவில் வெளிநாட்டவர் உள்பட பலர் கலந்து கொண்டனர்.

அமெரிக்காவின் கலிபோர்னியா மாநிலத்தில் உள்ள லாஸ் ஏஞ்சல்ஸ் நகரில் இருக்கும் தென் கலிபோர்னியா பல்கலைக்கழகத்தில் ஏராளமான இந்திய மாணவ, மாணவியர் படித்து வருகிறார்கள். அந்த பல்கலைக்கழகத்தில் படிக்கும் இந்திய மாணவர்கள் சங்கத்தில் சுமார் 500 மாணவ, மாணவியர் உறுப்பினர்களாக உள்ளனர்.

அந்த மாணவர்கள் சங்கம் சார்பில் லாஸ் ஏஞ்சல்ஸ் நகரில் கடந்த 29ம் தேதி விநாயகர் சதுர்த்தி விழா கொண்டாடப்பட்டது. பூசாரி வந்து பூஜை செய்தார். விழாவுக்கு வந்தவர்களுக்கு இரவு உணவு வழங்கப்பட்டது.

இந்த விழாவில் இந்திய மாணவர்கள் தவிர வெளிநாட்டு மாணவ, மாணவியரும் கலந்து கொண்டனர். இந்தியாவில் விநாயகர் சதுர்த்தி கொண்டாட்டத்தில் கலந்து கொண்டது போன்றே இது இருந்ததாக மாணவ, மாணவியர் தெரிவித்தனர்.

அடுத்ததாக அந்த சங்கத்தைச் சேர்ந்தவர்கள் தீபாவளி பண்டிகையை கோலாகலமாக கொண்டாட உள்ளனர்.

English summary

Association of Indian Students at the University of Southern California (AIS at USC) in Los Angeles celebrated Ganesh Puja on august 29th.