மேகி நூடுல்ஸ் மீதான தடை... ஆய்வு செய்கிறது புகழ் பெற்ற ஹார்வர்ட் பல்கலைக் கழகம்

Published: Wednesday, August 26, 2015, 2:05 [IST]

Subscribe to Oneindia Tamil

வாஷிங்டன் : மேகி நூடுல்ஸ் இந்தியாவில் தடை செய்யப்பட்டதை பற்றி அமெரிக்காவின் புகழ் பெற்ற ஹார்வர்ட் பல்கலைக் கழகம் ஆய்வு செய்து வருகிறது.

நெஸ்லே நிறுவனத்தின் தயாரிப்பான மேகி நூடுல்சில் அனுமதிக்கப்பட்ட அளவை கூடுதலாக காரீயம் மற்றும் வேதிப் பொருட்கள் கலந்து இருப்பதாக புகார் கூறப்பட்டது.

பின் பல்வேறு சோதனைகளுக்கு பிறகு மத்திய அரசின் உணவு தர நிர்ணய ஆணையம் நாடு முழுவதும் மேகிக்கு தடை விதித்தது. இதனால் இந்தியாவில் மேகி விற்பனை அடியோடு நின்றதுடன் உற்பத்தியும் நிறுத்தப்பட்டுள்ளது.

இந்நிலையில் அமெரிக்காவில் உள்ள புகழ் பெற்ற ஹார்வர்ட் பல்கலைக் கழகத்தின் பொருளாதார கல்லூரி, மேகிக்கு விதிக்கப்பட்ட தடைக்கான காரணம், அதன் விளைவுகள் மற்றும் விற்பனையாளர்கள் அதைப்பற்றி என்ன நினைக்கிறார்கள் என்பது பற்றி ஆய்வு செய்து வருகிறது.

இந்த ஆய்வானது இன்னும் ஒரு மாதத்தில் முடிந்துவிடும் எனவும் கூறப்படுகிறது.
அண்மையில் மும்பை உயர் நீதிமன்றம் மேகி நூடுல்ஸ் மீதான தடையை நீக்கியதுடன், புதிய சோதனைகள் மேற்கொள்ளும் படி உத்தரவிட்டுள்ளது குறிப்பிடத்தக்கது.

Published On August 26, 2015