அமெரிக்க துணை அதிபரின் மகன் மூளை புற்றுநோயால் மரணம் - ஒபாமா, கிளிண்டன் இரங்கல்

வாஷிங்டன் : அமெரிக்க துணை அதிபர் ஜோ பிடனின் மகன் புற்றுநோய் காரணமாக உயிரிழந்தார். அவரது மரணத்திற்கு அமெரிக்க அதிபர் ஒபாமா, முன்னாள் அதிபர் பில் கிளிண்டன் உள்ளிட்டோர் இரங்கல் தெரிவித்துள்ளனர்.

அமெரிக்காவின் துணை அதிபராக இருப்பவர் ஜோ பிடன். அவரது மகன் பியு பிடன் ( 46 ). இவர் அமெரிக்க மாகாணமான டெலேவாரின் அட்டார்னி ஜெனரலாக பதவி வகித்தவர். 2016 ல் நடக்க இருக்கும் டெலேவரின் கவர்னர் பதவிக்கு போட்டியிட பியு பிடன் விருப்பம் கொண்டிருந்தார்.

இதற்கிடையே கடந்த சில வருடங்களாக மூளை புற்றுநோய் பாதிப்பால் அவதிப் பட்டு வந்தார் பியு. உடல்நிலை மோசமாகவே வாஷிங்டன் அருகே இருக்கும் வால்டர் ரீட் ஆர்மி மெடிக்கல் சென்டரில் சிகிச்சைக்காகச் சேர்க்கப்பட்டிருந்தார். எனினும் சிகிச்சை பலனளிக்காமல் இன்று அவர் மரணம் அடைந்தார்.

பியு பிடனின் மரணத்திற்கு அமெரிக்க அதிபர் பாரக் ஒபாமா, முன்னாள் அதிபர் பில்கிளின்டன் உள்ளிட்ட தலைவர்கள் தங்களது இரங்கலைத் தெரிவித்துள்ளனர்.

English summary

Beau Biden, 46, the oldest son of Vice President Joe Biden, has died of cancer, a White House statement said. The vice president, in the statement on behalf of the Biden family, announced "with broken hearts" that Beau had died after a battle with brain cancer.