துணை விமானி லுபிட்ஸ் சிறுவனாக இருக்கையில் கிளைடர் ஓட்டிய வீடியோவை பார்த்தீங்களா?

By Siva

Updated: Tuesday, March 31, 2015, 11:16 [IST]

Subscribe to Oneindia Tamil

டுசல்டார்ப்: ஜெர்மன்விங்ஸ் விமானத்தை விபத்துக்குள்ளாக்கிய துணை விமானி லுபிட்ஸ் பதின்வயதில் கிளைடர் எனப்படும் சிறிய ரக விமானத்தை ஓட்டிப் பழகியபோது எடுக்கப்பட்ட வீடியோ தற்போது வெளியாகியுள்ளது.

ஸ்பெயினில் இருந்து ஜெர்மனி சென்ற ஜெர்மன்விங்ஸ் விமானத்தை அதன் துணை விமானி ஆன்ட்ரியஸ் லுபிட்ஸ்(28) வேண்டும் என்றே பிரான்சில் உள்ள ஆல்ப்ஸ் மலையின் மீது மோதி விபத்துக்குள்ளாக்கினார். இதில் விமானத்தில் இருந்த லுபிட்ஸ் உள்பட 149 பேர் பலியாகினர். விமானம் நொறுங்கி விழுந்த இடத்தில் மீட்பு பணிகள் முழுவீச்சில் நடைபெற்று வருகிறது.

{ventuno}

இந்நிலையில் லுபிட்ஸ் பதின்வயதில் கிளைடர் எனப்படும் சிறிய ரக விமானத்தை ஓட்டிப் பழகியபோது எடுக்கப்பட்ட வீடியோ தற்போது வெளியாகி அனைவரின் கவனத்தையும் ஈர்த்துள்ளது. சிறுவனாக இருக்கும் போதில் இருந்தே விமானி ஆக வேண்டும் என்ற கனவுடன் இருந்தவர் லுபிட்ஸ்.

லுபிட்ஸின் தந்தை பிசினிஸ் எக்சிகியூட்டிவ், தாய் பியானா ஆசிரியை. நிதி நெருக்கடி எதுவும் இல்லாததால் லுபிட்ஸ் தனது 14 வயதிலேயே விமானம் ஓட்டும் பயிற்சி வகுப்பில் சேர்ந்துள்ளார். துடிப்பான சிறுவனாக இருந்த லுபிடிஸ் லுப்தான்ஸா நிறுவனம் அளித்த பயிற்சி வகுப்பில் சேர்ந்து தேர்ச்சி பெற்றுள்ளார். பயிற்சி முடிந்து கடந்த 2013ம் ஆண்டில் அவர் லுப்தான்ஸாவின் கிளை நிறுவனமான ஜெர்மன்விங்ஸில் சேர்ந்துள்ளார்.

லுபிட்ஸ் மன அழுத்தம், கண் பார்வை கோளாறு, வெளியே சொல்லாத நோய் ஆகியவற்றால் அவதிப்பட்டு வந்துள்ளது விசாரணையில் தெரிய வந்துள்ளது என்பது குறிப்பிடத்தக்கது.