ஜெனிவா அணு ஆராய்ச்சி மையத்தில் சிவன் சிலைக்கு எதிரே இளம் பெண் நரபலி? வைரலாகும் வீடியோவால் அதிர்ச்சி
ஜெனிவா: ஜெனிவாவிலுள்ள ஐரோப்பிய அணு ஆராய்ச்சி அலுவலகத்தில் நரபலி கொடுக்கப்பட்டதாக வெளியாகியுள்ள வீடியோ பரபரப்பை ஏற்படுத்தியுள்ளது.
சுவிட்சர்லாந்தில் உள்ள ஜெனிவா நகரில் உள்ளது, ஐரோப்பிய அணு ஆராய்ச்சி அலுவலகம் CERN (Europen Organisation for Nuclear Research). இதன் வளாகத்தில் சிவ பெருமானின் பிரமாண்ட நடராஜர் வடிவ சிலை இன்று உள்ளது. பிக் பேங்க் எனப்படும் அணு பிளவுக்கு, ஆதாரம் நடராஜர் வடிவம் என்ற நம்பிக்கையில், இந்த சிலை அணு ஆய்வு வளாகத்தில் உள்ளது.
இந்த சிலை முன்பு பெண் ஒருவரை நர பலி கொடுப்பது போன்ற காட்சி சமீபத்தில் யூடியூப்பில் வெளியானது. இது பெரும் பரபரப்பை ஏற்படுத்தி வைரலாக பரவி வருகிறது.
அந்த, அந்த வீடியோவில் கருப்பு உடை அணிந்த சிலர் நடராஜர் சிலையை சுற்றி வருகின்றனர். பின் அந்த கூட்டத்தில் இருந்த ஒரு பெண் கீழே படுக்கிறார். அப்போது ஒருவர் கத்தியால் அந்த பெண்ணை வெட்டுவது போல் காட்சிகள் இடம்பெற்றுள்ளன. வெள்ளை ஆடை அணிந்த அந்த பெண்ணும் இஷ்டப்பட்டே நர பலிக்கு சம்மதி்த்து நெஞ்சில் குத்து வாங்குவதை போல அந்த காட்சி உள்ளது.
இதை யாரோ ஒருவர் தூரத்தில் இருந்து படம் பிடித்து வெளியிட்டுள்ளார். வீடியோ பிடிக்கும் நபரின் உருவம் கண்ணாடி ஒன்றில் பட்டு வீடியோவில் தெரிகிறது. வீடியோ பிடிக்கும் நபரும் நரபலி கொடுத்தவர்களை போன்ற ஆடையுடன் காணப்படுகிறார்.
ஆனால் இந்த வீடியோவை ஐரோப்பிய அணு ஆராய்ச்சி துறை அதிகாரிகள் இதனை முற்றிலுமாக மறுத்துள்ளனர். யாரோ நகைச்சுவை உணர்வு மிக்கவர்கள் இப்படி செய்திருக்க வேண்டும் என்று அந்த அமைப்பு அதிகாரி ஒருவர் கூறியுள்ளார்.
பொதுமக்கள் பார்வைக்காக வருடத்தில் சில நாட்கள் அணு ஆராய்ச்சி அலுவலகம் திறக்கப்படும் என்றும், அதேபோல ஆராய்ச்சிக்கா பலர் வருவதுண்டு என்றும் அப்போது வீடியோவை எடுத்துவிட்டு கட்டிங்-பேஸ்டிங் மூலமாக இவ்வாறு செய்திருக்க முடியும் என்கிறார்கள் ஆராய்ச்சி நிலைய அதிகாரிகள்.
பாதுகாப்பு மிக்க அணு ஆராய்ச்சி நிலையத்தில் இப்படி வீடியோ எடுக்க முடியுமா என்பதும் கேள்விக்குறியாக உள்ளது. எது எப்படியோ, வீடியோ அச்சமூட்டுவதாக இருப்பது என்னவோ உண்மை.
Click it and Unblock the Notifications
Sign in with Google