அமெரிக்காவின் கருப்புப் பட்டியல் வங்கி ‘ரொஸிஜா’வில் சம்பளக் கணக்கு தொடங்கிய புடின்...
மாஸ்கோ: அமெரிக்காவால் பிளாக் லிஸ்ட் செய்யப்பட்ட ரஷ்ய வங்கியில் அதிபர் விலாடிமிர் புடின் கணக்குத் தொடங்கியுள்ளார். அ்ந்த வங்கியின் பெயர் ரொஸிஜா வங்கி ஆகும். அதாவது ரஷ்ய வங்கி என்பதாகும்.
அடுத்த மாதம் முதல் இந்த வங்கியில்தான் புடினின் சம்பளம் முதலீடு செய்யப்படவுள்ளதாக கிரம்ளின் தெரிவித்துள்ளது. இதுகுறித்து அதிபர் மாளிகை செய்தித் தொடர்பாளர் டிமிட்ரி பெஸ்கோவ் கூறுகையில், அதிபரின் சம்பளம் இனிமேல் இந்த வங்கியில்தான் போடப்படும என்றார்.
ரொஸிஜா வங்கியானது தனியார் வங்கியாகும். இந்த வங்கியை உக்ரைன் விவகாரத்தைக் காரணம் காட்டி அமெரிக்கா, பொருளாதாரத் தடை என்ற பெயரில் கருப்புப் பட்டியலில் சேர்த்துள்ளது. இதையடுத்து அந்த வங்கிக்கு தார்மீக ஆதரவு தெரிவிக்கும் வகையில் புடின் தனது கணக்கை இங்கு தொடங்கியு்ளார்.
உக்ரைன் விவகாரத்திற்கும், இந்த வங்கிக்கும் என்ன தொடர்பு என்றும் புடின் கேட்டுள்ளார். மேலும் இந்த வங்கியின் வாடிக்கையாளர்கள் பாதிக்கப்படக் கூடாது என்பதற்காகவும் தானே தனது கணக்கை இங்கு தொடங்கியுள்ளாராம் அவர்.
இந்த வங்கியானது 1990ம் ஆண்டு தொடங்கப்பட்டது. நாட்டின் மிகப் பழமையான தனியார் வங்கியில் ஒன்றான இது, ரஷ்யாவின் டாப் 20 வங்கிகளில் ஒன்று என்பதும் குறிப்பிடத்தக்கது.
Click it and Unblock the Notifications
Sign in with Google