சுட்டு கொலை செய்யப்பட்டபோது.. சன்னி லியோன் "பிட்டு" படம் பார்த்து கொண்டிருந்தாரா ஒசாமா பின்லேடன்?

By Oneindia Staff

Updated: Thursday, September 11, 2025, 13:54 [IST]

Subscribe to Oneindia Tamil

இஸ்லாமாபாத்: செப்டம்பர் 11 தாக்குதலின் நினைவு தினம் இன்று. இந்த நேரத்தில், உலகின் மிகக் கொடூரமான பயங்கரவாதி ஒசாமா பின் லாடன் குறித்து ஒரு விசித்திரமான தகவல் மீண்டும் பரபரப்பை ஏற்படுத்தி வருகிறது. அவர் கொல்லப்பட்டபோது என்ன செய்து கொண்டிருந்தார் என்பதுதான் அந்தக் கேள்வி.

ஒசாமாவின் ரகசிய வாழ்க்கை

2011-ம் ஆண்டு, அமெரிக்கக் கடற்படை வீரர்கள் பாகிஸ்தானின் அபோட்டாபாத்தில் உள்ள ஒசாமாவின் மறைவிடத்தில் அதிரடியாக நுழைந்தனர். இந்த ராணுவ நடவடிக்கை, 'ஆபரேஷன் நெப்டியூன் ஸ்பியர்' என அழைக்கப்பட்டது. தேடுதல் வேட்டையின்போது, ஒசாமாவின் பதுங்குமிடத்தில் பல்வேறு ரகசிய ஆவணங்கள், ஹார்ட் டிஸ்க்குகள் உள்ளிட்ட பல பொருட்கள் கைப்பற்றப்பட்டன.

அப்போதுதான் உளவுத்துறை அதிகாரிகள் அதிர்ந்து போனார்கள். பயங்கரவாதத்தை விதைத்து, கறாரான அடிப்படைவாத கொள்கைகளைப் போதித்த ஒசாமாவின் வீட்டில், ஏராளமாக ஆபாச வீடியோக்கள் சிக்கின. இவற்றில் பெரும்பாலானவை இந்தியாவைச் சேர்ந்த முன்னாள் ஆபாச நடிகை சன்னி லியோன் நடித்த வீடியோக்கள் எனத் தகவல்கள் கசிந்தன. இந்தச் செய்தி, உலகையே உலுக்கிய ஒசாமாவின் மறுபக்கத்தை வெளிச்சத்துக்குக் கொண்டு வந்தது.

ராம்கோபால் வர்மா சர்ச்சை ட்வீட்

இந்த விவகாரத்துக்கு மேலும் தீயை மூட்டியவர் பிரபல இந்திய இயக்குநர் ராம் கோபால் வர்மா. தனது ட்விட்டர் பக்கத்தில், "ஒசாமா பின் லாடனின் வீட்டில் சன்னி லியோன் வீடியோக்கள் மலைபோல் குவிந்துள்ளன. மேலும், அவர் சுட்டுக் கொல்லப்பட்டபோது சன்னி லியோனின் வீடியோவைப் பார்த்துக்கொண்டிருந்தார் என்று என் தகவல்கள் சொல்கின்றன!" எனக் குறிப்பிட்டு பரபரப்பை கிளப்பினார்.

இந்தச் செய்தி குறித்து சன்னி லியோனிடம் கேட்டபோது, "முதலில் அதை ஒரு ஜோக் என்றுதான் நினைத்தேன். இதுபற்றி அதிகமாக யோசிக்கவில்லை" என சிரித்துக்கொண்டே பதிலளித்தார். உலகின் மிக மோசமான பயங்கரவாதி ஒருவர் தன் ரசிகராக இருக்கலாம் என்ற உண்மை, அவரை ஆச்சரியப்படுத்தியிருக்கக்கூடும்.

மேலும் பல அதிர்ச்சித் தகவல்கள்!

ஒசாமாவின் வீட்டில் ஆண்மை பெருக்கும் மருந்துகளும் கண்டெடுக்கப்பட்டதாகச் செய்திகள் வந்தன. சில தகவல்கள்படி, ஒசாமா தன்னை ஒரு 'செக்ஸ் மெஷின்' எனக் கூறிக்கொண்டதாகவும் கூறப்படுகிறது. இவை அனைத்தும் அதிகாரப்பூர்வமாக உறுதிப்படுத்தப்படாத தகவல்கள் என்றாலும், இப்போதும் இவற்றுக்கு முக்கியத்துவம் அளிக்கப்படுகிறது.

9/11 தாக்குதலில் உயிரிழந்த ஆயிரக்கணக்கானோரின் நினைவாக உலக மக்கள் ஒன்றுகூடும் இந்த நேரத்தில், ஒசாமாவின் பொது மற்றும் தனிப்பட்ட வாழ்க்கைக்கு இடையிலான இந்த வேறுபாடு, வரலாற்றில் கொடூரமான மனிதர்களின் மற்றொரு முகத்தையும் வெளிப்படுத்துகிறது.

ஆனால், இந்த தகவல்கள் அனைத்தும் வெறும் ஊகங்களின் அடிப்படையிலேயே வெளியாகி வருகின்றன, அதிகாரப்பூர்வ தகவல்கள் இல்லை என்பதையும் நினைவில் கொள்ள வேண்டும்.