உலகின் மிக மிக வயதான பாட்டி சூசன்னா 116 வயதில் மரணம்
நியூயார்க்: உலகின் மிகவும் வயதான பெண்ணாக கருதப்படும் அமெரிக்காவைச் சேர்ந்த 116 வயது சூசன்னா காலமானார்.
அமெரிக்காவின் அலாபமா மாநிலத்தில் கடந்த 1899-ம் ஆண்டு பிறந்தவர் சூசன்னா முஷாத் ஜோன்ஸ். 1922-ம் ஆண்டுவாக்கில் நியூ ஜெர்சி மற்றும் நியூயார்க் மாநிலங்களில் குடியேறிய சூசன்னா, குழந்தைகள் பராமரிப்பு மையங்களில் பணியாற்றி கடந்த 1965-ம் ஆண்டு ஓய்வு பெற்றார்.
தனது ஆரோக்கியமான வாழ்க்கை முறையால் நூறு வயதைக் கடந்து வாழ்ந்து வந்த சூசன்னாவை, உலகின் மிகவயதான பாட்டி என்று கின்னஸ் நிறுவனம் அங்கீகரித்திருந்தது.
தனக்கு மது மற்றும் புகைப்பிடிக்கும் பழக்கம் இல்லாததும், நீண்ட நேரம் உறங்கும் பழக்கமும் தனது நீண்ட ஆயுளுக்குக் காரணமாக இருக்கலாம் என சூசன்னா பேட்டி ஒன்றில் தெரிவித்திருந்தார்.
நியூயார்க் நகரில் உள்ள புருக்ளின் பகுதியில் தனது உறவினர்களுடன் வசித்து வந்த சூசன்னா, சமீபகாலமாக முதுமையால் உடல்நலமின்றி அவதிப்பட்டு வந்தார். இந்நிலையில் நேற்று அவர் காலமானர். இத்தகவலை அவரது குடும்பத்தினர் உறுதி செய்துள்ளனர்.
சூசன்னாவின் மறைவைத் தொடர்ந்து இத்தாலி நாட்டை சேர்ந்த எம்மா மோரனோ மார்ட்டினுஸி(116) என்பவர் தற்போது உலகின் மிகவயதான பாட்டி என்ற அந்தஸ்தைப் பெற்றுள்ளார்.
Click it and Unblock the Notifications
Sign in with Google