கல்லூரி மாணவிகளுடன் கோதாவில் குதித்த நடிகை கஸ்தூரி.. தாருமாறான ஆட்டம்

கன்னியாகுமரி: கன்னியாகுமரி மாவட்டத்தில் நடந்த பொங்கல் விழா நிகழ்ச்சியில் பங்கேற்ற நடிகை கஸ்தூரி திடீரென கல்லூரி மாணவிகளுடன் சேர்ந்து ஒரு பாடலுக்கு குத்தாட்டம் போட்டார். மேடையில் இருந்தவர்களும் நிகழ்ச்சியில் பங்கேற்றவர்களும் கிறங்கி போனார்கள்.

குமரி மாவட்டம் பொட்டல் குளத்தில் உள்ள ஒரு தனியார் கல்லூரியில் கலப்பை மக்கள் இயக்கம் சார்பில் பொங்கல் விழா நிகழ்ச்சி நடந்தது. இதில் கலந்து கொண்ட நடிகை கஸ்தூரி கல்லூரி மாணவிகள் நடத்திய கலை நிகழ்ச்சிகளுக்கு பரிசுகளை வழங்கினார்.

பின்னர் அந்த நிகழ்ச்சியில் மூன்று மாணவிகள் ஒரு மிக்ஸிங் பாடலுக்கு செமையான நடனம் ஆடினார். இதைப்பார்த்த நடிகை கஸ்தூரிக்கு மூடு மாறியது .தொடர்ந்து அதே மேடையில் 3 மாணவிகளையும் வரவழைத்து, ஒரு பாடலுக்கு சரியான குத்தாட்டம் போட்டார். நடிகை கஸ்தூரியின் இந்த குத்தாட்டம் விழா மேடையில் அமர்ந்து இருந்தவர்களையும் நிகழ்ச்சியை காண வந்தவர்களையும் மகிழவைத்துவிட்டது.

English summary

actress Kasthuri dancing with college students in kanniyakumari at pongal festival.