குமரியில் கனமழை எதிரொலி.. என்னாது இது ரயில் தண்டவாள பாதையா?.. பார்க்க ஆறு மாதிரியே இருக்கே!

Updated: Saturday, November 13, 2021, 20:09 [IST]

Subscribe to Oneindia Tamil

கன்னியாகுமரி: கன்னியாகுமரி மாவட்டத்தில் கனமழை கொட்டி வரும் நிலையில் அங்குள்ள ரயில்வே தண்டவாளம் ஒன்றில் தண்ணீர் தேங்கி பார்ப்பதற்கே ஆறு போல் காட்சியளிக்கும் புகைப்படம் வைரலாகி வருகிறது.

தமிழகத்தில் கடந்த அக்டோபர் 26 ஆம் தேதி முதல் வடகிழக்கு பருவமழை காலம் தொடங்கியது. இது தற்போது கடந்த ஞாயிற்றுக்கிழமை முதல் தீவிரமடைந்துள்ளது. இதனால் தமிழகத்தின் பெரும்பாலான இடங்களில் கனமழை பெய்தது.

சென்னையில் நேற்று முதல் இன்று வரை இரு தினங்களாக மழை இல்லாமல் குளிர் காற்று வீசி வருகிறது. இந்த நிலையில் கடந்த 3 தினங்களாக கன்னியாகுமரி மாவட்டத்தில் கனமழை பெய்து வருகிறது.

தண்ணீர்

இந்த மழையால் விவசாய நிலங்கள் சேதமடைந்துள்ளன. வீடுகளுக்குள் தண்ணீர் புகுந்ததால் சாலைகள் முழுவதும் காட்டாற்று வெள்ளம் போல் காட்சியளிக்கிறது. சண்முகபுரம், முஞ்சிறை, செண்பகராமன் புதூர், சென்னித்தோட்டம், குழித்துறை, லாயவிளக்கு உள்ளிட்ட பகுதிகளில் கடும் வெள்ளப்பெருக்கு ஏற்பட்டுள்ளது. மக்களை பேரிடர் மீட்பு குழுவினர் பத்திரமாக மீட்டு நிவாரண முகாம்களுக்கு அனுப்பி வைக்கிறார்கள்.

pic.twitter.com/HUwIKc8wDl
— Southern Citizen 🇮🇳 (@Southern_Citizn) November 13, 2021

வெள்ளம்

வீடுகளைச் சுற்றி ஓடும் வெள்ளத்தை பார்க்கும் போது ஏதோ ஆற்று பகுதி போல் ஆர்ப்பரிக்கிறது. வாழைத் தோட்டங்கள், ரப்பர் தோட்டங்களில் தண்ணீர் தேங்கியுள்ளது. நாளை மறுநாள்தான் கன்னியாகுமரியில் மழையின் அளவு படிப்படியாக குறையும் என சொல்லப்பட்டுள்ளது. பெரும்பாலான இடங்களில் தண்ணீர் தேங்கியுள்ளதால் மின்சாரம் துண்டிக்கப்பட்டுள்ளது. இந்த நிலையில் கன்னியாகுமரியில் ரயில் தண்டவாளத்தில் நேற்றைய தினம் தண்ணீர் தேங்கியிருந்தது.

பாதை

ஆனால் இன்றோ ரயில் தண்டவாள பாதை முழுவதும் தண்ணீர் தேங்கி ஏதோ ஆறு போல் தெரிகிறது. நிறைய பேர் இதை ரயில்வே தண்டவாளமா இல்லை ஆறா என கேட்டு வருகிறார்கள். இதனால் அவ்வழியாக இயக்கப்படும் ரயில்கள் ரத்து செய்யப்பட்டுள்ளன. சில ரயில்கள் மாற்று பாதையில் இயக்கப்பட்டு வருகிறது.

கிளை பகுதி

இது தாமிரபரணி ஆற்றின் கிளை பகுதி என நினைத்துவிட்டதாக நெட்டிசன்கள் தெரிவிக்கிறார்கள். இது போல் அளவுக்கு அதிகமாக மழை பெய்யும் என வானிலை ஆய்வு மையம் எச்சரிக்கை விடுக்கவில்லையா என கேள்வி எழுப்புகிறார்கள். இது படகு போக்குவரத்துக்கானது. ரயில்வே துறையின் சிறப்பு ஏற்பாடு என்கிறார்கள்.