ஐக்யூ மட்டுமே 146.. அசத்திய இந்திய வம்சாவளி பெண் டாக்டர்.. 'மிஸ் இங்கிலாந்து' பட்டம் வென்றார்
லண்டன்: இங்கிலாந்தில் வசிக்கும், இந்திய வம்சாவளியை சேர்ந்த 23 வயது இளம் பெண்ணான டாக்டர். பாஷா முகர்ஜி, 'மிஸ் இங்கிலாந்து' பட்டத்தை வென்று அசத்தியுள்ளார்.
இந்தியாவில் பிறந்தவர் பாஷா முகர்ஜி. அவருக்கு 9 வயதாக இருக்கும்போதே, இங்கிலாந்துக்கு குடும்பத்தோடு இடம் பெயர்ந்துவிட்டார். இப்போது இங்கிலாந்தின் டெர்பி பகுதியில் வசித்து வரும், பாஷா முகர்ஜி. நாட்டிங்காம் பல்கலைக் கழகத்தில், மருத்துவ அறிவியல் பட்டம் படித்துள்ளார்.
இதுதவிர, மருத்துவம் மற்றும் அறுவை சிகிச்சையில் ஒரு பட்டமும் பெற்றுள்ளார். இந்த நிலையில்தான், மிஸ் இங்கிலாந்து போட்டியில் பாஷா முகர்ஜி பங்கேற்றார்.
ஐந்து மொழிகளில் பேசும் திறன் பெற்றுள்ளார் பாஷா முகர்ஜி. எனவே போட்டியில் கலக்கிவிட்டார் கலக்கி. பாஷா முகர்ஜிக்கு ஐக்யூ அளவு 146 என்ற அளவில் உள்ளது தெரியவந்தது. எனவே பொது அறிவு கேள்விகளுக்கு புகுந்து விளையாடி பதில் அளித்தார்.
பல சுற்று போட்டிகளுக்கு பிறகு, மிஸ் இங்கிலாந்து பட்டத்தையைும் வென்று அசத்தியுள்ளார். ஆனால் அதிகம் கொண்டாடி நேரத்தை வீணாக்கவில்லை. மிஸ் இங்கிலாந்து பட்டம் பெற்ற, சிறிது நேரத்திற்கு பின், பாஸ்டனில் உள்ள மருத்துவமனையில் டாக்டர் பணியை செய்ய ஆரம்பித்துவிட்டார்.
நான் மருத்துவப் பள்ளியில் படிக்கும் போது எனது அழகிப் போட்டி வாழ்க்கை தொடங்கியது. இதைச் செய்ய எனக்கு நிறைய நம்பிக்கை இருந்தது, படிப்பிலிருந்து ஒரு வித்தியாசமான முயற்சியாகவும் இதை நான் பார்த்தேன் என்றார் பாஷா முகர்ஜி.
மிஸ் இங்கிலாந்தாக தேர்ந்தெடுக்கப்பட்டுள்ளதால், பாஷா முகர்ஜி உலக அழகி போட்டியில் நுழையும் அங்கீகாரத்தை பெற்றுள்ளார். மேலும் மொரீஷியஸுக்கு விடுமுறையை கொண்டாட அவர் அனுப்பி வைக்கப்படுவார்.
Click it and Unblock the Notifications
Sign in with Google