தவழ்ந்து வந்த ‘திருட்டு’ பூனை.. வேடிக்கை பார்த்த நிஜ பூனை.. சிசிடிவி காட்சியால் மாட்டிய திருடன்!

பூனை போல் தவழ்ந்து சென்று நிஜப் பூனையிடம் மாட்டிக்கொண்ட திருடனின் வீடியோ வைரலாகியுள்ளது.

லண்டன்: பூனை போல் தவழ்ந்து சென்று நிஜப் பூனையிடம் மாட்டிக்கொண்ட திருடனின் வீடியோ சமூகவலைதளங்களை ஆக்கிரமித்து வருகிறது.

இங்கிலாந்து நாட்டின் நாட்டிங்ஹாம்ஷைர் பகுதி காவல்துறையினர் தங்களுடைய சமூகவலைதளப் பக்கத்தில் வீடியோ ஒன்றை வெளியிட்டுள்ளனர். அந்த வீடியோவில் ஒரு வீட்டின் முன் வாசலில் திருடன் ஒருவன் பூனை போல் மெதுவாக தவழ்ந்து வருகிறான். ஆனால் அவன் சற்றும் எதிர்பாராமல், அந்த வீட்டின் கண்ணாடி கதவுக்கு உள்ளே நிஜப் பூனை ஒன்று உட்கார்ந்திருக்கிறது. நிஜ பூனையும், பூனை திருடனும் நேருக்கு நேர் சந்தித்து கொள்கின்றனர்.

"நிஜ பூனையுடன் நேருக்கு நேர் கேமராவில் சிக்கிய பூனை கொள்ளையன்", என கேப்ஷன் கொடுத்து இந்த வீடியோவை போலீசார் வெளியிட்டுள்ளனர். அந்த பூனை திருடனின் பெயர் மார்க் லாசன். 42 வயதாகும் மார்க் மீது ஏற்கனவே பல்வேறு திருட்டு வழக்குகள் உள்ளன.

இந்த சூழலில் தான் பூனை போல் தவழ்ந்து சென்று நிஜப் பூனையை நேருக்கு நேர் சந்தித்து சிசிடிவி கேமராவில் சிக்கியிருக்கிறான் மார்க். வீட்டின் உரிமையாளர் கொடுத்த தகவலின் அடிப்படையில் போலீசார் மார்க்கை கைது செய்துள்ளனர்.

மார்க் மாட்டிக்கொண்ட வீடியோவை பகிர்ந்துள்ளதன் மூலம் வீட்டில் சிசிடிவி கேமரா பொறுத்துவதன் அவசியத்தையும் நாட்டிங்ஹாம்ஷைர் போலீசார் வலியுறுத்தியுள்ளனர். பூனை திருடனின் களவாணி வீடியோ இணையத்தில் வைரலாகியுள்ளது.

English summary

A video shared by Nottinghamshire Police on Facebook has now prompted people to share all sorts of comments. It shows the moment a bugler came face to face with a pet cat.