நடிகர் டி ராஜேந்தர் எப்படி இருக்கிறார்.. அமெரிக்காவில் சிம்புவுடன் இருக்கும் புகைப்படங்கள் டிரென்ட்!

Updated: Wednesday, June 29, 2022, 14:25 [IST]

Subscribe to Oneindia Tamil

லண்டன்: இயக்குநரும் நடிகருமான டி.ராஜேந்தர் எப்படி இருக்கிறார் என்பது குறித்து லண்டனில் இருந்து புகைப்படம் வெளியாகியுள்ளது.

இயக்குநர், நடிகர், பாடகர், பாடலாசிரியர், இசையமைப்பாளர், வசனகர்த்தா, அடுக்கு மொழி பேச்சாளர், அரசியல்வாதி என பன்முகத் தன்மை கொண்டவர் டி ராஜேந்தர். இவர் தனது படங்களில் மகன் சிலம்பரசனை குழந்தை முதலே அறிமுகப்படுத்தினார்.

தற்போது சிம்பு பெரிய நடிகராக உள்ளார் என்றால் அதில் டி ராஜேந்தருக்கு முக்கிய பங்கு இருக்கிறது. இந்த நிலையில் டி ராஜேந்தருக்கு கடந்த மே மாதம் உடல்நிலை பாதிக்கப்பட்டு போரூரில் உள்ள ராமசந்திரா மருத்துவமனையில் அனுமதிக்கப்பட்டிருந்தார்.

டி ராஜேந்தர் ரசிகர்கள்

இதனால் டி ராஜேந்தரின் ரசிகர்களும் சிம்பு ரசிகர்களும் கவலை கொண்டனர். அவருக்கு என்னாச்சு என தெரியாமல் தவித்தனர். இதையடுத்து நடிகர் சிம்பு கடந்த மே 24 ஆம் தேதி ஒரு அறிக்கை வெளியிட்டிருந்தார். அதில் தனது தந்தைக்கு வயிற்றில் ரத்தக்கசிவு ஏற்பட்டுள்ளது. இதனால் அவரை வெளிநாட்டுக்கு அழைத்து செல்ல திட்டமிட்டுள்ளோம்.

நலம்

அவர் தற்போது நலமுடன் இருக்கிறார் என ட்விட்டரில் சிம்பு அறிக்கை மூலம் தெரிவித்திருந்தார். இதையடுத்து டி ராஜேந்தரை போரூர் மருத்துவமனைக்கே நேரில் சென்று முதல்வர் ஸ்டாலின் பார்வையிட்டு சிகிச்சை முறைகளை கேட்டறிந்தார். இதையடுத்து வெளிநாட்டுக்கு டி ராஜேந்தரை அழைத்து செல்ல முடிவு செய்யப்பட்டது.

அமெரிக்காவில் டி ராஜேந்தர்

முதலில் சிம்பு அமெரிக்கா சென்று அங்கு டி ராஜேந்தருக்கு சிகிச்சைக்கு தேவையான ஏற்பாடுகளை செய்திருந்தார். இதையடுத்து டி ராஜேந்தர், மனைவி உஷா, இளைய மகன் குறளரசன் ஆகியோர் அமெரிக்கா சென்றுள்ளனர். அப்போது செய்தியாளர்களை சந்தித்த ராஜேந்தர், நான் நலமுடன் திரும்பி வருவேன் என நம்பிக்கையுடன் கூறினார்.

புகைப்படம்

இந்த நிலையில் அமெரிக்காவில் டி ராஜேந்தர் மருத்துவமனையில் சிகிச்சை பெற்று வரும் நிலையில் அவரது புகைப்படம் வைரலாகியுள்ளது. உஷா, டி ராஜேந்தர், சிம்பு ஆகியோர் இருக்கும் புகைப்படம் வெளியாகியுள்ளது. இந்த படத்தை பார்க்கும் போது டி ராஜேந்தரின் உடல்நிலையில் நல்ல முன்னேற்றம் இருப்பதாகவே தெரிகிறது.